Մարիսա Մայեր

Վիքիպեդիայից՝ ազատ հանրագիտարանից
Մարիսա Մայեր
Մարիսա Էն Մայեր
Marissa Mayer, 2011 Interview (crop).jpg
Անունը Մարիսա Մայեր
Բնօրինակ
անունը
Մարիսա Էն Մայեր
Ծնվել է Մայիսի 30, 1975
Ծննդավայր Ամերիկայի Միացյալ Նահանգներ ԱՄՆ Վիսկոնսին
Քաղաքացիություն Ամերիկայի Միացյալ Նահանգներ ԱՄՆ
Ազգություն Ամերիկացի
Ազդել է Yahoo! Google
Աշխատանք Yahoo! գործադիր տն.
Կարողություն Green Arrow Up Darker.svg $ 300 Միլիոն
Ծնողներ Մայքլ Մայեր
Մարգարետ Մայեր

Մարիսա Մայեր ( անգլ.՝ Marissa Mayer) (ծնվ. Մայիսի 30, 1975, Վիսկոնսին, ԱՄՆ), Աշխարահռչակ «Yahoo» ընկերության գործադիր տնօրեն։

Կենսագրություն[խմբագրել]

Ավելի քան մեկ տասնամյակ Մարիսա Մայերը (Marissa Mayer) եղել է Սիլիկոնային հովտի ամենաբարձր վարկանիշ ունեցող ղեկավարներից մեկը։ Ծնվել է 1975 թվականին ԱՄՆ Վիսկոնսին նահանգում։ Ավարտելով Սթենֆորդի համալսարանը՝ 1999 թվականին Մայերը աշխատանքի է անցնում Google-ում և ստանձնում նույնիսկ ընկերության փոխնախագահի պաշտոնը։ 2012 թվականին Մարիսա Մայերը նշանակվեց համացանցային հսկա Yahoo!-ի գլխավոր տնօրեն, ինչը տեղափոխեց նրան փառքի նոր հարթություն։ Երիտասարդ Մայերը նոր շունչ և թարմություն հաղորդեց ընկերությանը, և մի շարք տնօրենների ձախողումից հետո Yahoo!-ն վերջապես գրանցեց մեծ առաջընթաց։ Ըստ Forbes-ի՝ «աշխարհի 100 ամենաազդեցիկ կանանց» ցանկում նա զբաղեցնում է 32-րդ տեղը, իսկ նրա կարողությունը գնահատվում է 300 մլն ԱՄՆ դոլար։[1]

Կարիերա[խմբագրել]

Մարիսա Մայեր 2014

Մարիսա Մայերի աշխատանքային կարիերան հատուկ ուշադրության է արժանի: Ծնված լինելով 1975թ-ին ԱՄՆ Վիսկոնսին նահանգում, նկարչության ուսուցչուհու և ինժեների ընտանիքում՝ նա ավարտում է Սթենֆորդի համալսարանը մագիստրոսի կոչմամբ, աշխատանքի է անցնում Google-ում 1999թ-ին՝ դառնալով ընկերության առաջին կին ինժեները, աշխատում է դրանում 13 տարի՝ զբաղեցնելով տարբեր պաշտոններ՝ մինչև ընկերության փոխնախագահ, իսկ 2012թ-ի հուլիսի 16-ին ստանձնում է Yahoo-ի գործադիր տնօրենի պաշտոնը՝ նույն օրը հայտարարելով նաև իր առաջնեկի ծննդյան մասին: Մարիսան եզակի կանանցից մեկն է, ով չնայած իր երիտասարդ տարիքին՝ զբաղեցնում է նման բարձր պաշտոն նման խոշոր ընկերությունում: Իսկ եթե ավելի ճշգրիտ՝ նա ամենաերիտասարդ կին-ղեկավարն է աշխարհի խոշորագույն 500 ընկերությունների ցանկում: 2012-ին և 2013-ին Forbes-ի «աշխարհի 100 ամենաազդեցիկ կանանց» ցանկում նա զբաղեցնում է համապատասխանաբար 20-րդ և 32-րդ տեղերը: Դառնալով Yahoo-ի ղեկավարը՝ նա մի շարք փոփոխություններ է մտցնում ընկերության աշխատանքում: Առաջնային ուշադրությունը նա դարձնում է ընկերության կադրերի և ներքին մթնոլորտի վրա: Աշխատակիցների սնունդը, Yahoo-ում նրա հայտնվելուց հետո, դառնում է անվճար: Աշխատողները ստանում են անվճար սմարթֆոններ և հատուկ թևնոցներ, որոնք «հուշում են» նրանց, որ իրենք գտնվում են ֆիզիկապես ծանր վիճակում և կարիք ունեն հանգստի, սպորտի կամ պարզապես ընդմիջման: Որպես ընկերության ղեկավար նրա վարկանիշը Yahoo-ում ամենաբարձրն է վերջին տարիների ընթացքում՝ 91% (նախորդ գործադիր տնօրենների համար այդ թիվը մոտ 30% էր): Նաև բարձրացել է ընկերության աշխատակիցների գոհունակության ցուցիչը՝ դառնալով 3,7 5-ից, որն ամենաբարձր ցուցանիշն է վերջին 5 տարիների ընթացքում: Համեմատության համար՝ Google-ում այդ թիվը 4,1 է: Մարիսա Մայերի ղեկավարած Yahoo-ն աչքի է ընկնում նաև տարբեր ինտերնետ ընկերությունների ևստարտափների ձեռքբերմամբ: Դրանցից ամենախոշորը 2013թ-ի մայիսին Tumblr միկրոբլոգային համակարգի ձեռքբերումն էր 1,1 միլիարդ դոլարով:[2]

Այլ[խմբագրել]

Տես նաև[խմբագրել]
Ծանոթագրություն[խմբագրել]
  1. www.optimum.am Մարիսա Մայեր
  2. www.success.am Մարիսա Մայեր. 38-ամյա կինը ղեկավարում է Yahoo-ն
Արտաքին հղումներ[խմբագրել]
Նախորդող
Ռոս Լեվինսոհն
Yahoo! գործադիր տնօրեն
Մարիսա Մայեր

2012 Մինչ այսօր
Հաջորդող
ներկայումս պաշտոնավարում է