Մարինե Աբրահամյան
- Վիքիպեդիայում կան հոդվածներ Աբրահամյան ազգանունով այլ մարդկանց մասին։
| Մարինե Աբրահամյան | |
|---|---|
| Ծնվել է | նոյեմբերի 25, 1951[1] (72 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | դաշնակահարուհի և երաժշտության ուսուցիչ |
| Գործիքներ | դաշնամուր |
| Աշխատավայր | Երևանի Կոմիտասի անվան պետական կոնսերվատորիա |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Մոսկվայի կոնսերվատորիա (1975) |
| Պարգևներ |  |
Մարինե Աբրահամի Աբրահամյան (նոյեմբերի 25, 1951[1], Երևան, Հայկական ԽՍՀ, ԽՍՀՄ), հայ դաշնակահարուհի, Հայաստանի Հանրապետության վաստակավոր արտիստ (2008)[2]։
Կրթություն[խմբագրել | խմբագրել կոդը]
Ավարտել է Երևանի Պյոտր Չայկովսկու անվան միջնակարգ մասնագիտական երաժշտական դպրոցը, 1975 թվականին՝ Մոսկվայի Պ. Ի. Չայկովսկու անվան պետական կոնսերվատորիայի դաշնամուրային բաժինը։
Ստեղծագործական գործունեությունը[խմբագրել | խմբագրել կոդը]
1975 թվականից Հայաստանի պետական ֆիլհարմոնիայի մենակատար է։ Կատարումներով հանդես է եկել «Համաշխարհային դաշնամուրային գրականության ընտրանի», «Նվիրումներ» համերգաշարերին, Էլդա Գրինի 85-ամյակին, Շառլ Ազնավուրի 90-ամյակին, Սերգեյ Փարաջանովի 90-ամյակին նվիրված համերգային երեկոներին, իսպանական, ֆրանսիական, գերմանական և հայ դաշնամուրային երաժշտությանը նվիրված թեմատիկ համերգներին և Հայոց ցեղասպանությանը (1915) նվիրված համերգներին։ 2012 թվականին մասնակցել է Մոսկվայում և Մինսկում կայացած Յ. Ֆլիերի 100-ամյակին նվիրված փառատոնին[3]։
Մանկավարժական գործունեությունը[խմբագրել | խմբագրել կոդը]
1989 թվականից դասավանդում է Երևանի Կոմիտասի անվան պետական կոնսերվատորիայում։ 1999 թվականից պրոֆեսոր է։
Սկավառակագրություն[խմբագրել | խմբագրել կոդը]
Թողարկել է 5 ձայնասկավառակ և մեկ տեսասկավառակ։ Նկարահանել է շուրջ 17 տեսահոլովակ։
Պարգևներ և կոչումներ[խմբագրել | խմբագրել կոդը]
- Հայաստանի Հանրապետության վաստակավոր արտիստ (2008)
- Միջազգային մրցույթների դափնեկիր (1974, Չեխիա, 1979, Իսպանիա)։
Հետաքրքիր փաստեր[խմբագրել | խմբագրել կոդը]
Հոգեբան Էլդա Գրինի դուստրն է, դերասանուհի Աննա Էլբակյանի քույրը։
Ծանոթագրություններ[խմբագրել | խմբագրել կոդը]
- ↑ 1,0 1,1 http://am.hayazg.info/index.php?curid=420
- ↑ Հայաստանի Հանրապետության պատվավոր կոչումներ շնորհելու մասին
- ↑ Baghdasaryan, Aram. «AV Production - Մարինե Աբրահամյան». avproduction.am. Արխիվացված է օրիգինալից 2021 թ․ նոյեմբերի 30-ին. Վերցված է 2017 թ․ մարտի 10-ին.
|
