Մարիա Նալպանտեան (Արաբերեն |ماريا نالبنديان), անգլ.՝ Maria Nalbandian, օգոստոսի 1, 1985(1985-08-01), Բեյրութ, Լիբանան), լիբանանայ հանրահայտ փոփ երգչուհի։ Ծնվել է 1985 թվականի օգոստոսի 1-ին։ Արաբական աշխարհում հայտնի է Մարիա անունով։
Մեծացել է հայկական ընտանիքում։ Ունի մեծ եղբայր։ Ստացել է կրթություն գործարարության և մարքեթինգի բնագավառներում։ Պատանեկան տարիքում նկարահանվել է բազմաթիվ գովազդային հոլովակներում։ 2003 թվականից երգելով արաբերեն, Մարիան թողարկում է ամբողջական 2 ալբոմ և 5 սինգլ, որն էլ բերում է մեծ հանրաճանաչություն՝ Արաբական աշխարհում։ "Elaab" առաջին երաժշտական հոլովակի ռեժիսորը հանրահայտ Ժադ Շվերին է (Անգլերեն |Jad Shwery)։ 2010 թվականին սկսելով Իր դերասանական կարիերան, նկարահանվում է երկու եգիպտական ֆիլմերում՝ " Bidoun Rakaba " և "Ahasees"։ 2015 թողարկվում է Նրա առաջին ամբողջական ալբոմը հայերեն լեզվով։ 2015 թվականին Մարիան ճանաչվում է աշխարհի ամենագեղեցիկ հայուհին[1][2]։ Իսկ 2015 թվականին, Մարիան ձեռք է բերում Հայաստանի անձնագիր։