Մարաստան

Վիքիպեդիայից՝ ազատ հանրագիտարանից
Մարաստան
Mādai
 Ասորեստան Մ.թ.ա. մոտ 700 - Մ.թ.ա. 550 Աքեմենյաններ 
Քարտեզ

Median Empire.jpg
(Մոտավոր սահմանները)

Ընդհանուր տեղեկանք
Մայրաքաղաք Էքբատան
Իշխանություն
Պետական կարգ Միապետություն
Պետության գլուխ Թագավոր
Պատմություն

Մարաստան[1]՝ հնագույն պետություն Իրանական սարահարթում։ Մարական ցեղերը մ.թ.ա. 7-րդ դարում միավորում է Դայուկկու արքան Ասորեստանի դեմ պայքարելու համար։ Մարաստանը իր հզորության գագաթնակետին է հասնում Ուվախշատրա արքայի ժամանակ։ Մարաստանը, Նոր Բաբելոնի թագավորությունը և Հայաստանը մ.թ.ա. 620-ական թթ. կնքում են հակաասորեստանյան դաշինք։ Շուտով սկսվում են լայնածավալ ռազմական գործողություններ։ Մ.թ.ա. 614 թ. ընկնում է Ասորեստանի նախկին մայրաքաղաք Աշշուրը, մ.թ.ա. 612 թ. մայրաքաղաք Նինվեն։ Ասորեստանի արքա Սին-Շարի-Իշկուն ինքնասպան է լինում։ Ասորեստանյան վերջին զորքերը մ.թ.ա. 605 թ. ջախքախվում են Կարքեմիշի մոտ։ Ուվախշատրան հայոց տիրակալ Պարույր Սկայորդուն ուղարկում է թագավորական թագ՝ ճանաչելով նրան հայոց օրինական արքա։ Մարական Կայսրությունը տարածվում էր Հայաստանից մինչև Հնդկաստան և Կասպից Ծովից մինչև Միջագետք՝ ընդգրկելով բազմաթիվ կիսանկախ պետություններ և ցեղային միություններ։ Իշտուվեգույի կառավարման ժամանակ Հայոց արքա Երվանդ Ա Սակավակյացը դառնում է մարերին հարկատու։ Մարական պետությունը անկում է ապրում մ.թ.ա. 550 թ. Իշտուվեգույի թոռ, Պարսուայի և Անշանի արքա Կյուրոս Բ Մեծի կողմից։ Այլևս անկախ մարական պետություն երբևէ չի վերականգնվում։

Մարական արքաներ[խմբագրել]

Աղբյուրներ[խմբագրել]

  1. Հովհաննես Բարսեղյան (2006)։ "Աշխարհագրական անունների հայերեն տառադարձության մասին որոշում", Տերմինաբանական և ուղղագրական տեղեկատու։ Երևան: 9-րդ հրաշալիք, 52։ ISBN 99941-56-03-9։