Մաջուրո
| Քաղաք | |||
|---|---|---|---|
| Մաջուրո | |||
| Majuro | |||
| |||
 Մաջուրոյի ձախ ափը, 1983 թ. փետրվար | |||
| Երկիր |  Մարշալյան կղզիներ | ||
| Մակերես | 9,70 կմ² | ||
| ԲԾՄ | 3 մետր | ||
| Բնակչություն | 25 400 մարդ (2004) | ||
| Ժամային գոտի | UTC+12 | ||
| |||
Մաջուրո (Մյազրո) (անգլ.՝ Majuro [ˈmædʒəroʊ], մարշ.՝ Mājro [mʲæzʲ(ɛ͡ʌ)rˠɤ͡oo̯]), Խաղաղ օվկիանոսում գտնվող Մարշալյան կղզիներ պետության մայրաքաղաք։ Կառուցված է համանուն օղակղզու, որը բաղկացած է 64 կղզիներից։ Օղակղզու մակերեսը կազմում է 9,71 կմ², ծովալճակի մակերեսը՝ 295 կմ²։ Բնակչությունը՝ 27 797 մարդ (2011 թվականի դրությամբ)։
Պատմություն[խմբագրել | խմբագրել կոդը]
Բնակավայրը հիմնադրվել է XIX դարի վերջին, ենթադրաբար, 1884 թվականին[1] Եվրոպայի և Հյուսիսային Ամերիկայի բնակիչների կողմից։ 1885 թվականից գտնվել է Գերմանիայի «պաշտպանության» տակ, իսկ 1906 թվականից՝ գերմանական կայսերական գաղութային իշխանությունների անմիջական ղեկավարության տակ։ 1914 թվականին գրավվել է Ճապոնիայի կողմից, 1919 թվականից հայտնվել նրա մանդատով կառավարվող երկրի կազմում[2]։ Երկրորդ համաշխարհային պատերազմի ժամանակ, 1944 թվականի հունվարի 30-ին ԱՄՆ-ի զորքերը գրավել են Մաջուրոն[3]։ 1947 թվականից եղել է Խաղաղօվկիանոսյան կղզու խնամարկյալ տարածքի կազմում։ 1979 թվականից դարձել է վարչական կենտրոն, իսկ 1983 թվականից՝ Մարշալյան կղզիների մայրաքաղաք։
Բնակչություն և ենթակառուցվածք[խմբագրել | խմբագրել կոդը]
Հիմնական բնակչությունը կենտրոնացած է Դ-Ու-Դ կղզիներում (Դալապ – Ուլիգա – Դարիտ, Dalap – Uliga – Darrit)։ Կառավարական հաստատությունները գտնվում են Դալատ կղզում։ Այստեղ են գտնվում նաև մի քանի խոշոր խանութներ։ Ուլիգայում գտնվում են հիմնական գործարար թաղամասը, բանկային և տուրիստական կենտրոնները։ Ուլիգայում է գտնվում Մարշալյան կղզիների քոլեջը, միջնակարգ և տարրական դպրոցները։ Դարիտում եմ հիմնականում գտնվում են բնակելի շինությունները, տարրական և միջնակարգ դպրոցները։ Օղակղզու արևմտյան շրջանում, Դ-Ու-Դ-ից 30 կմ հեռավորության վրա գտնվում է Լաուրա բնակավայրը, որտեղ գտնվում է հայտնի ծովափը։ Մարշալյան կղզիների միջնակարգ դպրոցը գտնվում է Մաջուրոյի հյուսիսային ծայրամասում, Ռիտա կղզում։
Տրանսպորտ[խմբագրել | խմբագրել կոդը]
Գործում է նավահանգիստ և միջազգային օդանավակայան։ Մաջուրոն համարվում է Մարշալյան կղզիների համար կարևոր տրանսպորտային հանգույց օդային և ծովային հաղորդակցությունների համար։
Տուրիզմ[խմբագրել | խմբագրել կոդը]
Զբոսաշրջիկների շրջանում տարածված է ձկնորսությունը և դայվինգը։
Քույր-քաղաքներ[խմբագրել | խմբագրել կոդը]
Գուամ, ԱՄՆ (1973)
Կավայի, Նարա պրեֆեկտուրա, (Kawai, Nara), Ճապոնիա
Թայպեյ, Թայվան (1999)
Ծանոթագրություններ[խմբագրել | խմբագրել կոդը]
- ↑ «Столицы мира».
- ↑ Маджуро. — БРЭ, т. 1..
- ↑ Charles D. Melson Condition Red: Marine Defense Battalions in World War II. — С. 20.
Արտաքին հղումներ[խմբագրել | խմբագրել կոդը]
- Links for the Republic of the Marshall Islands Արխիվացված 2006-05-24 Wayback Machine (անգլ.)
| ||||||||||||||||||||||||||