Մաուրո Գևգեոզյան

Վիքիպեդիայից՝ ազատ հանրագիտարանից
Ֆուտբոլ
Մաուրո Գևգեոզյան
Algérie - Arménie - 20140531 - Mauro Guevgeozian.jpg
Անձնական տեղեկատվություն
Ամբողջ. անուն Մաուրո Գևգեոզյան Կրեսպո
Քաղաքացիությունը Ուրուգվայ Ուրուգվայ
Հայաստան Հայաստան
Մականուն Էլ Արմենիո
Ծննդավայր   Մոնտևիդեո, Ուրուգվայ Ուրուգվայ
Ծննդյան թիվ   մայիսի 10, 1986 (1986-05-10) (28 տարեկան)
Հասակ 184 սմ
Քաշ 81 կգ
Դիրք Հարձակվող
Ակումբային տեղեկատվություն
Ներկա ակումբ ՊերուԱլիանսա Լիմա
Համար 19
Մասնագիտական կարիերա 1
Տարի Ակումբ Խաղ (Գոլ)
2006 - 2007 Ուրուգվայ Ֆենիքս 27(24)
2007  Հայաստան Փյունիկ 1(0)
2009 - 2011 Չիլի Էվերտոն 43(15)
2011 Ուրուգվայ Պենյառոլ 2(0)
2012 - 2013 Ուրուգվայ Ֆենիքս 28(17)
2013  Պարագվայ Լիբերտադ 4(0)
2013  ՊերուԱլիանսա Լիմա 15(11)
Ազգային հավաքական
2014 - մ.հ. Հայաստան Հայաստան 2(0)

1 Մասնագիտական կարիերայում ընդգրկված են
միայն առաջնության խաղերը և գոլերը.

Մաուրո Կրեսպո Գևգեոզյան (իսպ.՝ Mauro Crespo Guevgeozián, մայիսի 10, 1986, Մոնտեվիդեո, Ուրուգվայ), հայ ֆուտբոլիստ, որը հանդես է գալիս պերուական «Ալիանսա Լիմա» ակումբում։

Կենսագրություն[խմբագրել]

Ծնվել է 1986 թվականին մայիսի 10-ին, Ուրուգվայի մայրաքաղաք Մոնտեվիդեոյում հայկական ընտանիքում։ Թիմի երկրպագուները նրան անվանում են El Armenio, որը նշանակում է հայ։ Մաուրոն ուրախությամբ է ընդունում իր հայ լինելու փաստը և իր մականունը։

Կարիերա[խմբագրել]

Նա իր առաջին քայլերը կատարել է «Ֆենիքս Մոնտեվիդեո» թիմում, որտեղ 2006-07 թվականին թիմի հետ դարձավ Ուրուգվայի երկրորդ դիվիզիոնի չեմպիոն։ Ֆենիքս Մոնտեվիդեոից հեռանալուց հետո 2007 թվականին Մաուրոն հանդես է եկել Երևանի «Փյունիկի» կազմում՝ թիմի հետ հաղթելով 2007 թվականի Հայաստանի Բարձրագույն խումբի առաջնությունում։ Փյունիկում նա անցկացրել է 1 խաղ` Չեմպիոնների լիգայի առաջին որակավորման փուլում իռլանդական «Դերրի Սիթիի» դեմ։ «Փյունիկից» հեռանալուց հետո ձմեռային տրանսֆերային պատուհանի ժամանակ նա տեղափոխվեց «Սերրիտո» ակումբ, որտեղ նվաճեց Ուրուգվայի երկրորդ դիվիզիոնի կլաուսուրան։ 2008-09 մրցաշրջանում Գևգեոզյանը վերադարձավ «Ֆենիքս», որտեղ դարձավ է Ուրուգվայի երկրորդ դիվիզիոնի լավագույն ռմբարկու։ 2009-2011 թվականներին հանդես է եկել Չիլիի բարձրագույն դիվիզիոնի «Էվերտոն դե Վինյա դել Մար» թիմի կազմում։ Նա շատ լավ է հանդես գալիս այդ թիմում, սակայն 2011 թվականին վերադառնում է իր ծննդավայր Մոնտեվիդեո և հանդես գալիս տեղի «Պենյարոլ Մոնտեվիդեո» թիմում, որի հետ Ուրուգվայի առաջնության 2011-2012 մրցաշրջանում գրավում է 2-րդ տեղը։ Այդ մրցաշրջանում նա դառնում է 7 գոլի հեղինակ։[1] Չնայած հիանալի ելույթներին, Գևգեոզյանն այդ թիմում անցկացնում է ընդամենը 1 տարի և վերադառնում «Ֆենիքս», որտեղ նորից դառնում է թիմի առանցքային ֆուտբոլիստներից մեկը. «Պենյարոլի» դեմ 2 խաղում Գևգեոզյանը դառնում է 3 գոլի հեղինակ։

2013 թվականի հունվարին, նա տեղափոխվում է Պարագվայի «Լիբերտադ» ակումբ, որտեղ իր նորամուտը նշում է 2013 թվականին փետրվարի 11-ին Պարագվայի Պրիմիեր դիվիզոնի առաջին փուլում «Գուարանիի» դեմ խաղում։[2]

2013 թվականին-ից մինչ այժմ հանդես է գալիս «Ալիանսա Լիմա» ակումբում։

2013-14 մրցաշրջանում Պերուի ամենահեղինակավոր մրցաշարերից մեկում՝ «Ինկերի գավաթում» Գևգեոզյանը 10 խաղում խփել է 5 գոլ։ Հատկանշական է, որ նա իր բոլոր գոլերը խփել է գլխով։ «El Armenio»-ն պատժվում է երկու անգամ կարմիր քարտով, բայց, չնայած դրան, մարզչական շտաբը և երկրպագուները գոհ են իր խաղից, և, ըստ Պերուի մամուլի, ակումբը պատրաստվում է առաջարկել նրան նոր պայմանագիր։

Հայաստանի ազգային հավաքական[խմբագրել]

Գևգեոզյանը Հայաստանի ազգային հավաքականին պետք է միանար 2012 թվականին նոյեմբերին, ինչպես հարցազրույցում նշել էր Հայաստանի ազգային հավաքականի նախկին գլխավոր մարզիչ Վարդան Մինասյանը։ Սակայն Մաուրոն չի կարողանում ժամանակին միանալ հավաքականին անձնական պատճառներով։

Մաուրոն ևս մեկ անգամ հավաքական է հրավիրվել 2013 թվականին փետրվարի 5-ին կայանալիք Լյուքսեմբուրգի դեմ խաղին մասնակցելու համար, սակայն չի կարողանում ընդհանուր հայտարարի գալ ՀՖՖ-ի հետ։ [3]

Մաուրոն իր նորամուտը հավաքականում նշեց 2014 թվականին մայիսի 27-ին կայացած Հայաստան - ԱՄԷ ընկերական խաղում` երկրորդ խաղակեսում դուրս գալով փոխարինման։ Դրանից չորս օր անց կայացած Ալժիրի հետ խաղը նա սկսեց մեկնարկային կազմում և փոխարինվեց ընդմիջումից հետո[4]։

Ծանոթագրություններ[խմբագրել]