Մագի

Վիքիպեդիայից՝ ազատ հանրագիտարանից

Մագին (ճապ.` マギ, մագի) ճապոնական մանգա է, որի հեղինակը Շինոբու Օտական է: Սկսել է թողարկվել Weekly Shōnen Sunday ամսագրում՝ 2009 թվի հունիսից: 2013 թվի հոկտեմբերի տվյալներով Shogakukan-ում թողարկվել է մանգայի արդեն 18 հատոր: Անիմե սերիալը՝ ստեղծված A-1 Pictures ստուդիայի նախաձեռնությամբ, Ճապոնիայում սկսել է ցուցադրվել 2012 թվի հոկտեմբերից: Անիմեն լիցենզավորվել է Aniplex USA ընկերության կողմից ԱՄՆ-ում, ինչպես նաև Viz Media Europe-ի կողմից` Եվրոպայում և Madman Entertainment-ի կողմից` Ավստրայիայում հեռարձակման համար։ Սյուժետի հիմք է հանդիսացել արաբական հեքիաթների հավաքածու «1000 և 1 գիշեր» գիրքը։ Չնայած նրան, որ «Մագի» բառը շատերի մոտ ասոցացվում է ռուսերեն «Маг» (հրաշագործ, կախարդ) բառի հետ, իրականում այն առաջացել է հունա-պարսկական բառից, որը նշանակում է «իմաստուն»։

Սյուժեն[խմբագրել]

Իրադարձությունները զարգանում են մի աշխարհում, որը նման է Երկրին միջնադարյան դարաշրջանում։ Արևմուտքում կան այնպիսի թագավորություններ, ինչպիսին մեզ մոտ Եվրոպան է։ Բայց նրանց ազատությանը սպառնում է հեռու-արևելյան կայսրություն Կոուն, որը նման է Հին Չինաստանին։

Կոուն, որը դեռ վերջերս փոքր ու անկայուն կայսրություն էր, նպատակասլաց մեծացնում է իր սահմանները` կամաց-կամաց ներխուժելով հարևան երկրների տնտեսության մեջ՝ իր թղթադրամը տարածելով։ Այդպիսով տվյալ երկիրները կախվածության մեջ են ընկնում Կոու կայսրությունից։

Գլխավոր իրադարձություններից 14 տարի առաջ ամբողջ աշխարհում սկսեցին հայտնվել տարօրինակ ստորգետնյա աշտարակներ, որոնք իրենց անցնողներին տալիս էին անհամար հարստություն ու ջինի ուժ։ Շատ քաջեր են փորձել աշտարակն անցնել, բայց նրանցից հաշվածներն են ողջ դուրս եկել։ Աշտարակում ձեզ սպասում են մահացու ծուղակներ ու սարսափելի հրեշներ, որոնց չի դիմակայի անգամ մի ամբողջ բանակ։

Ալի-Բաբան Բալբադի փախած արքայազնն է, որը, աշխատելով եսասեր վաճառականի մոտ, երազում է մի օր անցնել աշտարակը։ Նրան հետևում է մի փոքրիկ տղա` Ալադինը, որը Ջինի է կառավարում, ու ինչպես հետո պարզվում է, «մագի» է։ Նա ընտրվել է անձամբ ռուկհի կողմից և պիտի ընտրի ապագա թագավորին։ Միասին նրանք գնում են աշտարակ և տիրանում ցանկալի հարստությանը, ինչից հետո էլ հետևում են իրենց ճակատագրին։

Սակայն Ալադինն ու Ալի-Բաբան դեռ չգիտեն, որ շուտով կանգնելու են չարաբաստիկ Ալ Սարմեն կազմակերպության ճամփին, որը մանիպուլյացիայի է ենթարկում Կոու կայսրությանը և մտադրվում է աշխարհը քաոսի վերածել։ Միավորելով ուժերը` ազատված ստրուկ Մորջանան, ծովագնաց Սինբադն ու նրա համախողները, ինչպես նաև Կոու կայսրության արքայազն Հակուրյուն պիտի ճանաչեն իրենց եսը, սեփական ուժերը ու դառնան սպասվող պատերազմի վկաներ։

Մանգա[խմբագրել]

Մանգան գրված ու նկարված է Շինոբու Օտակոի կողմից։ Սկսվել է հրատարակվել 2009 թվականի հունիսի 3-ին՝ Weekly Shōnen Sunday ամսագրում։ Մանգայի առաջին հատորը հրատարակվել է 2009 թվականի դեկտեմբերի 18-ին, իսկ 2014 թվականի ապրիլի դրությամբ հրատարակվել է 22հատոր։ Մանգայի յուրաքանչյուր գլուխն նշանակում է «գիշեր», ինչը հանդիսանում է «Հազար ու մի գիշեր» արաբական հեքիաթների հավաքածուի ճանաչումը։ 2013 թվականի մարտի 31 հայտնի է դառնում, որ մանգայի հեղինակ Սինոգու Օտակուն զուգահեռ նկարելու է մեկ ուրիշ մագնա, որտեղ գլխավոր հերոսը լինելու է Սինբադը և որտեղ կցուցադրվի, թե ինչպես է նա աղքատ երեխայից դարձել 7 ծովերի թագավոր և 7 աշտարակների պահապան մեծն Սինբադը։

Անիմե[խմբագրել]

Անիմեի մասին ինֆորմացիան հայտնվել է Jisedai World Hobby պաշտոնական կայքի ամառային հրատարակմանը՝ կազմակերպված Shogakukan ամսագիր կողմից։ A-1 Pictures ստուդիայում թողարկված անիմե սերիալը Ճապոնիայում սկսել է հեռարձակվել 2012 թվականի հոկտեմբերի 7-ին, միանգամից Mobile Suit Gundam AGE անիմեի ավարտից հետո՝ MBS/TBS ալիքներով՝ ժամը 17։00-ին։ Անիմեն նաև թուլյատրված է ամերիկյան Crunchyroll և Hulu կայքեուրմ ազատ դիտման համար։ Անիմեն լիցենզավորվել է Aniplex USA ընկերության կողմից՝ ԱՄՆում, ինչպես նաև Viz Media Europe-ի կողմից Եվրոպաում և Madman Entertainment-ի կողմից Ավստրայիայում հեռարձակման համար։ Առաջին 12 սերիաների սկզբի համար երգում է SID-ը՝ «V.I.P.», իսկ վերջի՝ Yubi Bouenkyou երգը կատարում է Nogizaka46-ը։ Վերջի սերիաների սկզբի համար Matataku Hoshi no Shita de երգը կատարում է Porno Graffitti-ն, իսկ վերջին՝ The Bravery երգը կատարում է Supercell-ը։ 2014 թվականի ապրիլին ավարտվեց անիմեի երկրորդ եթերաշրջանը։ Սպասվում է շարունակություն։

Տես նաև[խմբագրել]