Հրաչուհի Ջինանյան

Վիքիպեդիայից՝ ազատ հանրագիտարանից
Հրաչուհի Ջինանյան
Հրաչուհի Ջինանյան.jpg
Ծնվել է նոյեմբերի 251919
Ծննդավայր Կոստանդնուպոլիս
Մահացել է սեպտեմբերի 19, 2012 (92 տարեկանում)
Մահվան վայր Երևան
Ազգություն հայ
Մասնագիտություն հաղորդավար, դերասանուհի
Ամուսին Հայկարամ Ութմազյան
Երեխաներ Արթուր Ութմազյան

Հրաչուհի Ջինանյան (1919, նոյեմբերի 25, Կոստանդնուպոլիս - 2012, սեպտեմբերի 19, Երևան[1]), դերասանուհի, հաղորդավարուհի, ՀԽՍՀ ժողովրդական արտիստ, Երևանի պատվավոր քաղաքացի։

Կենսագրություն[խմբագրել]

Հրաչուհի Ջինանյանը ծնվել է 1919 թվականի նոյեմբերի 25-ին, Կոստանդնուպոլսում։ 1925 թվականին ներգաղթել է Խորհրդային Հայաստան։ 1936-1941 թվականներին սովորել է Երևանի պետական համալսարանի բանասիրական ֆակուլտետում։ 1941 թվականից աշխատել է Հայաստանի Հանրային ռադիոյում` որպես հաղորդավար, ապա` խմբագիր և ռեժիսոր։ Երևանի պետական թատերական ինստիտուտի հիմնադրման օրվանից մինչև 2002 թվականը զբաղվել է մանկավարժական գործունեությամբ, երկար տարիներ ղեկավարել բեմական խոսքի ամբիոնը։

Արժանացել է բազմաթիվ պատվոգրերի ու մրցանակների, պարգևատրվել պետական պարգևներով։ 1977 թվականին արժանացել է ՀԽՍՀ ժողովրդական արտիստի պատվավոր կոչման։ 1984 թվականին ստացել է բեմական խոսքի ամբիոնի պրոֆեսորի կոչում։ 2001 թվականին պարգևատրվել է «Մովսես Խորենացի» շքանշանով։ 2003 թվականին արժանացել է «Երևանի պատվավոր քաղաքացի» կոչմանը։ Ջինանյանի ստեղծագործական գործունեության մեջ առանձնահատուկ տեղ է զբաղեցնում ասմունքի ժանրը[2]։

Պարգևներ[խմբագրել]

  • ՀԽՍՀ ժողովրդական արտիստ, 1977
  • Բեմական խոսքի ամբիոնի պրոֆեսոր, 1984
  • «Մովսես Խորենացի» շքանշան, 2001
  • «Երևանի պատվավոր քաղաքացի», 2003

Ծանոթագրություններ[խմբագրել]

  1. Մահացել է սիրված դերասանուհի Հրաչուհի Ջինանյանը
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007։