Հրաչյա Ռոստոմյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Ռոստոմյան ազգանունով այլ մարդկանց մասին։
Հրաչյա Ռոստոմյան
 
Գիտական աստիճան՝ Մանկավարժական գիտությունների թեկնածու
Մասնագիտություն՝ քաղաքական գործիչ
Ազգություն հայ
Ծննդյան օր մարտի 3, 1981(1981-03-03) (43 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն  Հայաստան
 
Պարգևներ
Հայրենիքին մատուցած ծառայությունների համար մեդալ և Երախտագիտության մեդալ

Հրաչյա Դավթի Ռոստոմյան (մարտի 3, 1981(1981-03-03), Երևան, Հայկական ԽՍՀ, ԽՍՀՄ), հայ պետական և մարզական գործիչ, մանկավարժական գիտությունների թեկնածու, բասկետբոլի միջազգային կարգի մրցավար։ Զբաղեցրել է Հայաստանի սպորտի և երիտասարտության հարցերի, 2018 թվականի մայիսի 12-ից հոկտեմբերի 4-ը՝ Հայաստանի արտակարգ իրավիճակների նախարարի պաշտոնը[1]։

Կրթություն[խմբագրել | խմբագրել կոդը]

  • 1998-2003 թվականներին - սովորել և ավարտել է Մխիթար Հերացու անվան Երևանի պետական բժշկական համալսարանի ատամնաբուժական ֆակուլտետը՝ բժիշկ ատամնաբույժ-թերապևտի մասնագիտացմամբ։
  • 2003-2006 թվականներին - սովորել և ավարտել է Մխիթար Հերացու անվան Երևանի պետական բժշկական համալսարանի կլինիկական օրդինատուրան՝ ստոմատոլոգ-օրթոպեդի որակավորմամբ։
  • 2006-2010 թվականներին- սովորել և ավարտել է Ֆիզիկական կուլտուրայի հայկական պետական ինստիտուտի մարզաառողջարարական ֆակուլտետը՝ մարզիչ-մանկավարժի որակավորմամբ։

Աշխատանքային գործունեություն[խմբագրել | խմբագրել կոդը]

  • 1997-1999 թվականներին - «Անի 90» ՍՊԸ ապրանքագետ։
  • 2003 թվականին- թիվ 5 մանկական ստոմատոլոգիական պոլիկլինիկայի բժիշկ-ինտերն։
  • 2006-2008 թվականներին- դասախոսել է Երևանի պետական բժշկական համալսարանում։
  • 2006–2009 թթ. - Մխիթար Հերացու անվան Երևանի պետական բժշկական համալսարանի ֆիզդաստիարակության ամբիոնի լաբորանտ։
  • 2008–2009 թթ. - Կենտրոն համայնքի ավագանու անդամ։
  • 2006 թ. մարտի 12-ից՝ Հայաստանի բասկետբոլի ֆեդերացիայի նախագահ։
  • 2010 թվականից - ՀԱՕԿ-ի գլխավոր քարտուղար։
  • 2012 թ. հունիսի 16-ին ՀՀ Նախագահի հրամանգրով նշանակվել է ՀՀ սպորտի և երիտասարդության հարցերի նախարար։
  • 2016 թ. սեպտեմբերի 27-ին Հայաստանի Նախագահի հրամանգրով նշանակվել է ՀՀ սպորտի և երիտասարդության հարցերի նախարար[2]։
  • 2018 թ. մայիսի 12-ին նշանակվել է ՀՀ արտակարգ իրավիճակների նախարար, 2018 թվականի հոկտեմբերի 4-ին ազատվել է զբաղեցրած պաշտոնից[3]։

Երկար տարիներ խաղացել է բասկետբոլի Հայաստանի հավաքականի կազմում, մասնակցել է միջազգային մրցաշարերի։ Մի շարք գիտամեթոդական հոդվածների հեղինակ, ՀԱՕԿ-ի տեղեկագրի համահեղինակ։

Պարգևներ և կոչումներ[խմբագրել | խմբագրել կոդը]

Պարգևատրվել է.

  • Երախտագիտության մեդալով (2015)[4]
  • ՀԱՕԿ «Հրանտ Շահինյան» մեդալով,
  • ՀՀ ՊՆ «Անդրանիկ Օզանյան», «Զինվոր հայրենյաց» մեդալներով,
  • Երևանի պետական բժշկական համալսարանի 75-ամյակին նվիրված ոսկե մեդալով,
  • Հայաստանի Նախագահի շնորհակալագրով։
  • Պահեստի լեյտենանտ։
  • Հայաստանի սպորտի վարպետ։
  • Միջազգային կարգի մրցավար։

Անկուսակցական է

Ամուսնացած է։

Նախորդող
ՀՀ Բասկետբոլի ֆեդերացիայի նախագահ
Հրաչյա Ռոստոմյան

2006 -
Հաջորդող
Նախորդող
Արմեն Գրիգորյան
Հայաստանի ազգային օլիմպիական կոմիտեի գլխավոր քարտուղար
Հրաչյա Ռոստոմյան

2010
Հաջորդող
ներկայումս պաշտոնավարում է
Նախորդող
Յուրի Վարդանյան
ՀՀ Սպորտի և երիտասարդության հարցերի նախարար
Հրաչյա Ռոստոմյան

27 հոկտեմբերի 2016
Հաջորդող
ներկայումս պաշտոնավարում է

Ծանոթագրություններ[խմբագրել | խմբագրել կոդը]

  1. ՀՐԱՉՅԱ ՌՈՍՏՈՄՅԱՆԻՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐ ՆՇԱՆԱԿԵԼՈՒ ՄԱՍԻՆ
  2. Հ. ՌՈՍՏՈՄՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ ՆՇԱՆԱԿԵԼՈՒ ՄԱՍԻՆ
  3. «Հանրապետության նախագահի հրամանագրերը - Փաստաթղթեր - Հայաստանի Նախագահ». president.am. Վերցված է 2018 թ․ հոկտեմբերի 5-ին.
  4. Հ. Դ. ՌՈՍՏՈՄՅԱՆԻՆ ԵՐԱԽՏԱԳԻՏՈՒԹՅԱՆ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ