Հրայր Կարապետյան (դերասան)

Անվան այլ կիրառումների համար տե՛ս՝ Հրայր Կարապետյան (այլ կիրառումներ)

Հրայր Կարապետյան
Ծնվել է	1930 նոյեմբերի 28
Ծննդավայր	Մայկոպ,
Մահացել է	ապրիլի 18, 2013(2013-04-18) (տարիքը 82)
Մահվան վայր	Լոնդոն
Կրթություն	Փանոս Թերլեմեզյանի անվան գեղարվեստական ուսումնարան և Մոսկվայի Գերասիմովի անվան կինեմատոգրաֆիայի ինստիտուտ
Ազգություն	հայ
Մասնագիտություն	Դերասան գեղանկարիչ

Հրայր (Գեորգի) Արտեմի Կարապետյան (նոյեմբերի 28, 1930(1930-11-28), Մայկոպ, Հյուսիսկովկասյան երկրամաս, ՌԽՖՍՀ, ԽՍՀՄ - ապրիլի 18, 2013(2013-04-18), Լոնդոն, Միացյալ Թագավորություն), հայ դերասան, գեղանկարիչ։

Կենսագրություն

Հրայր Կարապետյանը ծնվել է Ռուսաստանի Մայկոպ քաղաքում։ 1947 թվականին տեղափոխվել է Երևան։ 1954 թվականին ավարտել է Երևանի Թերլեմեզյանի անվան գեղարվեստի ուսումնարանը, 1961 թվականին՝ Մոսկվայի Կինեմատոգրաֆիայի համամիութենական ինստիտուտի գեղարվեստի ֆակուլտետը։ 1961-1990 թվականներին եղել է «Հայֆիլմ» կինոստուդիայի բեմադրող-նկարիչ։ 1967 թվականից եղել է Հայաստանի նկարիչների և 1963 թվականից՝ Կինեմատոգրաֆիստների միությունների անդամ։

Ֆիլմեր

Որպես դերասան, հանդես է եկել հետևյալ ֆիլմերում՝

• «Կարծր ապար» (1974)
• «Հուսո աստղ» (1978)
• «Կարոտ» (1990)

Բեմադրող-նկարիչ՝

• «Երգում է Գոհար Գասպարյանը» (1963)
• «Բարև, ես եմ» (1965)
• «Եռանկյունի» (1967)
• «Կրակոց սահմանին» (1970)
• «Վերադարձ» (1972)
• «Խաչմերուկ» (1974)
• «Մարդը Օլիմպոսից» (1974)
• «Կրկին հինգ օր» (1978)

Գեղանկարչական գործունեություն

1971-1993 թվականներին դասավանդել է Երևանի գեղարվեստի ուսումնարանում, 1977-1993 թվականներին՝ Երևանի գեղարվեստի պետական ակադեմիայում։ Ձևավորել է շուրջ 25 գիրք։ Ցուցահանդեսներ է ունեցել Մեծ Բրիտանիայում, Ֆրանսիայում, Ուկրաինայում, Լեհաստանում, Ուզբեկստանում, Հայաստանում, Գերմանիայում, Ռուսաստանում։ Ստեղծագործությունները պահվում են մի շարք երկրների պատկերասրահներում, մասնավոր հավաքածուներում։