Հորացի Թուտլ

Հորացի Թուտլ
աստղագետ
ԱԱՀ՝	Հորացի Պարնել Թուտլ
Ծննդյան օր՝	24.3.1837
Ծննդավայր՝	Նյուֆիլդ, Մեյն, ԱՄՆ
Վախճանի օր՝	1.8.1923
Վախճանի վայր՝	Վաշինգտոն, Վաշինգտոն, ԱՄՆ
Քաղաքացիություն՝	ԱՄՆ, Կանադա
Աշխատանք՝	Հարվարդի աստղադիտարան, Միացյալ Նահանգների ռազմածովային աստղադիտարան

Հորացի Պարնել Թուտլ (անգլ.՝ Horace Parnell Tuttle, ծնվ. 1837 թ. մարտի 24-ին, Նյուֆիլդ - մահ. 1923 թ. օգոստոսի 1-ին, Վաշինգտոն), ամերիկացի աստղագետ:

Կենսագրություն

1857 թվականին Թուտլը սկսել է աշխատել Հարվարդի քոլեջի աստղադիտարանում, որպես օգնական: Նա հայտնաբերել է մի քանի գիսաստղեր և հանդիսանում է 109P/Սվիֆթ - Թուտլի (հանդիսանում է Պերսեիդներ ասուպային հոսքի աղբյուրը) և 55P/Թեմպլ - Թուտլի (հանդիսանում է Լեոնիդներ ասուպային հոսքի աղբյուրը) գիսաստղերի համահայտնաբերողը: Նրան օժանդակում էր Ասաֆ Հոլլը, ով հաշվարկում էր երկնային մարմինների ուղեծրերը: Բացի այդ Թուտլը հայտնաբերել է (66) Մայա և (73) Կլիտիա աստերոիդները:

1862 թվականին նա թողեց Հարվարդը, որպեսզի 9 ամսով մասնակցի քաղաքացիական պատերազմում, որտեղ նա ծառայում էր որպես գանձապահ: Հետագայում նա ծառայել է ԱՄՆ ռազմածովային ուժերում և մասնակցել է մի քանի աշխարհագրական ճանապարհորդությունների:

1884 թվականից նա շարունակել է աշխատել որպես աստղագետ և աշխատել է Միացյալ Նահանգների ռազմածովային աստղադիտարանում, Վաշինգտոնում: