Հովհան Կլիմաքոս

Վիքիպեդիայից՝ ազատ հանրագիտարանից
Św Jan Klimak, Jerzy i Błażej.jpg

Հովհան Կլիմաքոս (հուն.՝ Ἰωάννης τῆς Κλίμακος, 7 - րդ դար, նաև հայտնի է որպես Հովհան Սանդուղք, Հովհան Սքոլաստիկոս և Հովհան Սինայեցի), 7 - րդ դարի քրիստոնեական աստվածաբան, փիլիսոփա, Սինայ լեռան վրա գտնվող Սուրբ Եկատերինայի վանքի վանահայր։ Նա պաշտվում է որպես սուրբ` Հռոմի կաթոլիկ, Հույն և արևելյան «ուղղափառ» եկեղեցիների կողմից։ Առավելապես հայտնի է որպես «Սանդուխք» երկի հեղինակ, որտեղ նա խտացված կերպով ներկայացնում է եգիպտական վանքերի հոգևոր և ասկետիկ ավանդույթները։ Այն նաև համարվում է քրիստոնեական բարոյական կատարելության հասնելու ուղեցույց։ Սկզբնապես գրված լինելով հարևան մենաստանի վանականների համար՝ «Սանդուխքը» արագորեն դարձավ բյուզանդական հոգևոր գրականության առավել ընթերցվող և սիրված գրքերից մեկը։ Ներկայումս էլ այս գիրքը լայնորեն տարածված է «ուղղափառ» եկեղեցիների քրիստոնյաների շրջանում։ Այն հատկապես ընթերցվում է Մեծ Պահքի շրջանում՝ նախքան Զատիկը։