Հոբ (Գիրք)
Վիքիպեդիայից՝ ազատ հանրագիտարանից
Հոբ, Աստվածաշունչ մատյանի Հին Կտակարանի գրքերից մեկը: Գրքում ներկայացվում է «ճշմարտախօս», «անարատ», «արդար ու աստուածապաշտ» Հոբի փորձությունների պատմությունը, Հոբի փորձը իրեն բաժին ընկած անարդար տառապանքների պայմաններում հստակեցնել իր դիրքորոշումը Աստծու նկատմամբ:
Գրքի կառուցվածքը [խմբագրել]
- Արձակ առաջաբանում պատմվում է հերոսի՝ մեծահարուստ Հոբի մասին, որը ենթարկվում է հանկարծական ու անբացատրելի փորձությունների, սակայն չի կորցնում իր վստահությունը Տիրոջ հանդեպ (Ա:1 -Բ:13):
- Հոբին այցելության են գալիս իր բարեկամները. չափածո երկխոսության ձևով բանավեճ է սկսվում Հոբի և նրան այցելած անձանց միջև (Գ:1 -ԼԱ:40):
- Խոսակցության մեջ է մտնում Հոբի չորրորդ ընկերը՝ Եղիուս Բուզացին (ԼԲ:1 -ԼԷ:24)
- Միջամտում է Աստված, որի և Հոբի միջ ծավալվում է չափածո երկխոսություն (ԼԸ:1 -ԽԲ:6)
- Արձակ վերջաբանում պատմվում է, թե ինչպես Աստված վերականգնում է Հոբի առողջությունը, ունեցծվածքը և բարի անունը: Վերջում նշվում է, որ Հոբը մահանում է «զառամյալ հասակում, տարիների բեռան տակ կքած» (ԽԲ:7-16)
