Հյուսիսային երկիր

Վիքիպեդիայից՝ ազատ հանրագիտարանից

Հյուսիսային երկիր, արշիպելագ Կաբայի և Լապտևների ծովերի սահմանագծում, Թայմիր թերակղզուց հյուսիս, որից բաժանվում է Վիլկիցկու նեղուցով։ Մտնում է ՌՍՖՍՀ Կրասնոյարսկի երկրամասի Թայմիրի (Դոլգանո-Նենեցական) ինքնավար օկրուգի մեջ։ Կազմված է 4 խոշոր (Հոկտեմբերյան հեղափոխության, Բոլշևիկ, Կոմսոմոլեց և Պիոներ) և մի շարք մանր կղզիներից։ Տարածությունը մոտ 37 հզ.կմ2 է։ Թայմիր-Հյուսիսային երկիր ծալքավոր մարզի մի մասն Է։ Ռելիեֆում գերակշռում են հարթավայրերը։ Սառցադաշտային գմբեթները հասնում են 965 մ բարձրության։ Կլիման արկտիկական Է։ Հունվարի միջին ջերմաստիճանը—28 °C-ից մինչև—30 °C Է, նվազագույնը՝ —50 °C, հուլիսինը՝ —0, 5 °C-ից մինչև—1, 6 °C։ Տարեկան տեղումները՝ 150—200 մմ է, (ծովում), 400—550 մմ (բարձրություններում)։ Սառցադաշտերը գրավում են 17472 կմ2 տարածություն։ Հալոցքի ջրերով սնվում են կղզիների բազմաթիվ գետեր։ Բնորոշ են արկտիկական և անտարկտիկական անապատային լանդշաֆտները։ Հյուսիսային երկիրը հայտնաբերել Է Բ.Վիլկիցկու արշավախամբը 1913-ին։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png