Հիթ Լեդջեր

Վիքիպեդիայից՝ ազատ հանրագիտարանից
Picto infobox film.png
Հիթ Լեդջեր
Հիթքլիֆ Էնդրյու Լեդջեր
Heath Ledger.jpg
Բնօրինակ անուն Հիթքլիֆ Էնդրյու Լեդջեր
Հասակը 185 սմ
Ծնվել է՝ ապրիլի 41979
Ծննդավայր Ավստրալիա Փերթ, Ավստրալիա
Մահացել է հունվարի 22, 2008 (28 տարեկանում)
Մահվան վայր Նյու Յորք
Քաղաքացիություն Flag of Australia.svg Ավստրալիա
Մասնագիտություն հեռուստատեսային դերասան, դերասան, կինոռեժիսոր և կինոդերասան
Ակտիվ շրջան 1985–2009
Ժանրեր Մարտական,
Դրամա,
Մելոդրամա
Ընտրանի "Մռայլ ասպետը",
"Ասպետի պատմությունը",
"Հայրենասերը"
Պարգևներ և մրցանակներ BAFTA (2009
IMDb ID 0005132
ԿինոՊոիսկ ID 1183

Հիթքլիֆ Էնդրյու «Հիթ» Լեջեր (անգլ.՝ Heathcliff Andrew "Heath" Ledger), ծնվ.՝ ապրիլի 4, 1979, Փերթ, Ավստրալիա - հունվարի 22, 2008, Նյու Յորք, ԱՄՆ), ավստրալա-ամերիկյան դերասան։

Կենսագրություն[խմբագրել]

Հայտնի դերասան Հիթքլիֆ Էնդրյու (Հիթ) Լեջերը ծնվել է 1979 թվականի ապրիլի 4-ին Պերտե քաղաքում։ Մայրը` Սելլի Լեջեր Բելլը, ֆրանսերենի դասատու էր, իսկ հայրը` Կիմ Լեջերը, ավտոմրցարշավորդ և լեռնային ինժեներ։ Հիթը և նրա քույրը` Քեթրինը, կոչվել են Էմիլի Բրոնտեի «Ամպրոպային լեռնանցք» վեպի հերոսների անունով։ Երբ Հիթը տաս տարեկան է լինում, նրա ծնողները բաժանվում են, երեխան մնում է մոր հետ, բայց շարունակում լավ հարաբերություններ պահել հոր հետ։ Գիլֆորդի դպրոցում սովորելիս Հիթքլիֆը ակտիվ կերպով զբաղվում էր սպորտվ, պարերով, բացի դրանից, խաղում դպրոցի թատերական ստուդիայում։ Տասնհինգ տարեկանում նա դառնում է դպրոցի դերասանական թիմի ղեկավար և վերջնականապես ընտրում դերասանի մասնագիտությունը։ Նկարահանվելով մի քանի ավտրալիական ֆիլմերում Հիթը բավականին հայտնի է դառնում և ստանում է առաջարկներ նկարահանվելու ԱՄՆ-ում։

2000 թվականին Հիթ Լեջերը նկարահանվում է «Հայրենասերը» ֆիլմում Մել Գիբսոնի հետ միասին։ Այդ ֆիլմի շնորհիվ Լեջերը համաշխարհային ճանաչում է ձեռք բերում։ Հոլիվուդում Լեջերը նկարահանվել է տասնինը ֆիլմերում, որոնց թվում են «Իմ ատելության 10 պատճառները», «Ասպետի պատմություն», «Սապատավոր լեռը», «Խավարի ասպետը» ֆիլմերը։ «Խավարի ասպետը» ֆիլմում Ջոկերի դերի համար Հիթ Լեջերը հետմահու պարգևատրվում է «Օսկար» և «Ոսկե գլոբուս» մրցանակներով։ Նա պատմության մեջ երկրորդ դերասանն է, ով հետմահու պարգևատրվել է «Օսկար» մրցանակով։

2008 թվականի հունվարի 22-ին ժամը 15։31 Հիթ Լեջերին գտնում են մահացած իր Մանհեթենի բնակարանում։ Հետազոտության արդյունքում պարզվում է, որ դերասանը մահացել է սուր թունավորումից, որը առաջացել է ցավազրկողների, քնաբերների և տրանկվիլիզատորների համատեղ ազդեցությունից։

Հղումներ[խմբագրել]