Հիդրավլիկական շառավիղ

Վիքիպեդիայից՝ ազատ հանրագիտարանից

Հիդրավլիկական շառավիղ, հեղուկի հոսքի լայնական հատվածքի հիդրավլիկական բնութագիր, որն արտահայտվում է այդ հատվածքի մակերեսի և նրա, այսպես կոչված, թրջված պարագծի (պարագծի այն մասը, որով հոսքը հպվում է պատերին) հարաբերությամբ։ Հիդրավլիկական շառավղի մեծությունը կախված է հունի լայնական հատվածքի չափերից և ձևից։ Հեղուկով լցված կլոր հատվածքով խողովակի հիդրավլիկական շառավիղը հավասար է տրամագծի քառորդին, մեծ լայնություն ունեցող բաց հուների համար այն ընդունվում է հավասար հոսքի միջին խորությանը։ Հիդրավլիկական շառավիղը լայնորեն օգտագործում են հիդրավլիկական հաշվարկներում։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png