Հերոդոտոս

Հերոդոտոս կամ Հերոդոտոս Հալիկարնասցի (հունարեն՝ Ἡρόδοτος Ἁλικαρνᾱσσεύς Հերոդոտոս Հալիկարնասսիուս) (մ. թ. ա. 484-425)հույն պատմիչ, որն ապրել և ստեղծագործել է մ.թ.ա. 5-րդ դարում և ճանաչված է որպես «Պատմության հայր»։

Ծնվել է Փոքր Ասիայի հունական Հալիկառնաս քաղաքում և երկար ժամանակ ապրել Աթենքում: Քաղաքական պայքարին ակտիվորեն մասնակցելու պատճառով հարկադրված դիմել է տարագրության և շրջագայել Եգիպտոսում, Փռյուգիայում, Բաբելոնում և Սև ծովի հյուսիսային կողմերում:

Իր «Պատմություն» երկում (բաղկացած է 9 գրքից) նկարագրում է մ.թ.ա. 490-470-ական թթ. հույն-պարսական պատերազմները և դրանց հետ առնչվող այլ պատմական անցքեր: Այդ աշխատությունը եզակի նշանակություն է ունեցել Հունաստանի և անտիկ աշխարհի պատմական մտքի հետագա զարգացման վրա, բացառիկ աղբյուր է Հերոդոտոսին ժամանակ հայտնի երկրների` Սև ծովի առափնյա շրջանների, Հունաստանի, Եգիպտոսի, Փոքր Ասիայի, Մերձավոր Արևելքի, այդ թվում նաև Հայաստանի մ.թ.ա. 7-5 դդ. պատմության ուսումնասիրության համար: .

Հերոդոտոսի «Պատմությունը» ամբողջությամբ թարգմանվել է հայերեն Սիմոն Կրկյաշարյանի կողմից և հրատարակվել 1986թ.:

Հերոդոտոսի տեղեկությունները Հայաստանի և հայերի մասին

Աշխարհը համաձայն Հերոդոտոսի պատկերացումների

Հերոդոտոսը իր «Պատմության» մեջ տեղեկություններ է հաղորդում նաև հին Հայաստանի և հայ ժողովրդի մասին, որոնք թեև մեծաքանակ չեն, սակայն առանձնակի արժեք ունեն: