Հենրիխ ֆոն Կլեյստ
Հենրիխ ֆոն Կլեյստ (գերմ. Bernd Heinrich Wilhelm von Kleist; 1777թ. հոկտեմբերի 18, Ֆրանկֆուրտ Օդերի — 1811թ. նոյեմբերի 21, Վանզեե, Պոտսդամ) — գերմանացի դրամատուրգ, բանաստեղծ և արձակագիր: Պատմվածքի ժանրի սկզբնադիրներից մեկը («Մարկիզուհի դ'Օ» 1808, «Երկրաշարժը Չիլիում», «Պսակ Սան-Դոմինգոյում»): Կլեյստի 8 պիեսներից առավել հայտնի են և հեղինակի գլուխգործոցներ են համարվում վերջին երկուսը` «Հերմանի ճակատամարտը» (1808) և «Իշխան Ֆրիդրիխ Հոմբուրգցին» (1810):
1811թ. Կլեյստը ինքնասպանություն է գործել քաղցկեղով հիվանդ իր ընկերուհի Հենրիետա Ֆոգելի հետ միասին:
«Երկրաշարժը Չիլիում» պատմվածքի հիման վրա «Երկրաշարժ» անունը կրող օպերա է գրել հայ անվանի երգահան Ավետ Տերտերյանը: Այն բեմադրվել է Սպիտակյան երկրաշարժի 20-րդ տարելիցի առթիվ Երևանի օպերային թատրոնում (ռեժիսոր` Լ.Իվանյան, դիրիժոր` Ռ.Ասատրյան):[1]
[խմբագրել] Պիեսներ
- «Շրոֆֆենշթեյն ընտանիքը» (հրատարակվել է 1803թ.)
- «Ռոբերտ Գվիսկար» (1803, ոչնչացվել է հեղինակի կողմից, պահպանվել է միայն առաջին գործողությունը)
- «Պենտեսիլեա» (1805-07, հրատարակվել է 1808թ.)
- «Քետհենը Հայլբրոնից կամ Կրակով փորձությունը» (1807, հրատարակվել է 1810թ.)
- «Ջարդված կուժը» (1806՞, հրատարակվել է 1811թ.՞)
- «Ամֆիտրիոն» (1807, ըստ Մոլիերի նույնանուն պիեսի)
- «Հերմանի ճակատամարտը» (1808, հրատարակվել է 1821թ.)
- «Իշխան Ֆրիդրիխ Հոմբուրգցին» (1810, հրատարակվել է 1821թ.).
1912թ., երբ լրացավ գրողի մահվան 100 ամյակը, ստեղծվել է Հենրիխ Կլեյսթի անվան հեղինակավոր գրական մրցանակը:
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
