Հեյդելբերգ-Կյոնիգսթուլի պետական աստղադիտարան

Վիքիպեդիայից՝ ազատ հանրագիտարանից
Հեյդելբերգ-Կյոնիգսթուլի պետական աստղադիտարան
LSW-Heidelberg.jpg
Կոդ 024
Բնօրինակ անվանում Landessternwarte Heidelberg-Königstuhl
Վայր Հեյդելբերգ, Գերմանիա
Կոորդինատներ
Բարձրություն 570 մ
Հիմնադրվել է՝ 1774
Կայքէջ
Պաշտոնական կայք

Հեյդելբերգ-Կյոնիգսթուլի պետական աստղադիտարան, կամ Հեյդելբերգ-Կյոնիգսթուլի աստղադիտարան (գերմ.՝ Landessternwarte Heidelberg-Königstuhl), աստղադիտարան է, որը տեղակայված է Կյոնիգսթուլ բլուրի մոտ, Գերմանիայի Հեյդելբերգ քաղաքում։ Այս աստղադիտարանի նախորդը, սկզբից բացվել էր 1774 թվականին Մանգեյմ քաղաքում, սակայն դիտարկումների պայմանների վատթարացումը ստիպեցին այն տեղափոխել Կյոնիգսթուլի մոտ 1898 թվականին։ Աստղադիտարանը հանդիսանում է Հեյդելբերգյան համալսարանի Աստղագիտության կենտրոնի մասը։ Մաքս Պլանկի աստղագիտության ինստիտուտը բացվեց աստղադիտարանից ոչ հեռու 1967 թվականին։ 2006 թվականի տվյալներով աստղադիտարանի տնօրենն է Անդրեաս Քյուրենբախը (գերմ.՝ Andreas Quirrenbach

Պատմությունը[խմբագրել]

Աստղադիտարանի գործիքները սկզբում օգտագործվում էին Մանգեյմի աստղադիտարանում։ Դիտարկման պայմանների վատթարացման պատճառով աստղադիտարանը ժամանակավորապես տեղափոխվեց Կարլսռուե 1880 թվականին։ Հետագայում, 1898 թվականի հունիսի 20-ին նոր աստղադիտարանը բացվեց Կյոնիգսթուլում։ Աստղագիտական ինստիտուտը ներառում էր երկու բաժին, աստղաֆիզիկայի, որը ղեկավարում էր Մաքս Վոլֆը և աստղաչափական, Կարլ Վալենտայնի ղեկավարությամբ։ Վալենտայնը հանդիսանում էր Մանգեյմի և Կարլսռուեի աստղադիտարանների տնօրեն։

Աստղադիտարանի հիմնական հետազոտությունների ուղղությունները եղել են` միգամածությունների հետազոտությունները և աստերոիդների որոնումը։ Վոլֆը, նրա աշխատակիցները և հետնորդները հայտնաբերել են ավելին քան 800 աստերոիդներ, ներառյալ առաջին հայտնաբերված Յուպիտերի տրոյացի աստերոիդը (588) Աքիլեսը 1906 թվականին։ Աստղադիտարանը դադարեց լինել գերմանական ֆեդերացիայի ինստիտուտ 2005 թվականին, երբ այլ երկու հաստատությունների հետ, Տեսական աստղաֆիզիկայի ինստիտուտի (Institute of Theoretical Astrophysics) և Աստղագիտական հաշվողական ինստիտուտի (Astronomical Calculation Institute), միավորվեց այժմյան Հեյդելբերգյան համալսարանի մեջ։

Արտաքին հղումներ[խմբագրել]

Աստղադիտարանի պաշտոնական կայք

Տես նաև[խմբագրել]