Հաց, սեր և ֆանտազիա (իտալ.՝ Pane, Amore e Fantasia; Իտալիա, 1953), Լուիջի Կոմենչինի նկարահանած ռոմանտիկ կատակերգություն։ Էկրան է բարձրացել 1953 թվականի դեկտեմբերի 22-ին։ Առաջին հետպատերազմյան իտալական «ժողովրդական կատակերգություններից», որը մեծ հաջողություն ունեցավ ոչ միայն Իտալիայում, այլև Եվրոպայում ընդհանրապես։ Գլխավոր դերերում են այն ժամանակ նորաթուխ դերասանուհի Ջինա Լոլոբրիջիդան և հայտնի ռեժիսոր և դերասան Վիտորիո դե Սիկան։ 1954 թվականին կինոնկարը «Բեռլինի կինոփառատոնում» արժանացել է «Արծաթե արջ» կինոմրցանակի[3]։