Հացի օրենքներ

Վիքիպեդիայից՝ ազատ հանրագիտարանից

Հացի օրենքներ, Մեծ Բրիտանիայում, XV—XIX դդ. հացահատիկի և գյուղատնտեսական այլ մթերքների ներմուծումն ու արտահանումը կարգավորող (հիմնականում՝ ներմուծման բարձր և արտահանման ցածր մաքսեր սահմանելու ուղիով) օրենքների ընդհանուր անվանումը։ Հացի օրենքներով ներքին շուկայում կրճատվում էր գյուղատնտեսական մթերքների ծավալը, բարձրանում գինը։ Դա համապատասխանում էր չենդլորդերի և ներհակ էր ամրապնդվող արդյունաբերական բուրժուազիայի շահերին, որը ձգտում էր թուլացնել առաջինների տնտեսական և քաղաքական դիրքերը, ընդլայնել սեփական ազդեցությունը։ Հացի օրենքների դեմ շարժումը առևտրի ազատության (տես Ֆրիթրեդերականություն) համար արդյունաբերական բուրժուազիայի պայքարի դրսևորումներից էր։ Չնայած լենդլորդերի դիմադրությանը, անգլիական կառավարությունը 1846թ-ին հացի օրենքները վերացրեց։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png