Հարյուրամյա պատերազմ

Հարյուրամյա պատերազմ (ֆր.՝ Guerre de Cent Ans, անգլ.՝ Hundred Years' War), մի կողմից՝ Անգլիայի և նրա դաշնակիցների, մյուս կողմից` Ֆրանսիայի և նրա դաշնակիցների միջև ռազմական գործողությունների շարք, որը տևել է 1337–ից առ 1453 թվականը։ Հակամարտության պատճառ է հանդիսացել ֆրանսիական գահի նկատմամբ Պլանտագնետներ անգլիական թագավորական հարստության հավակնությունները։ Ֆրանսիան, իր հերթին, ձգտում էր դուրս մղել անգլիացիներին երկրի հարավային Գիեն նահանգից։ Չնայած սկզբնական հաջողություններին` Անգլիան այդպես էլ չհասավ իր նպատակներին, իսկ պատերազմի վերջում մայրցամաքի տիրույթներից նրան մնաց միայն Կալե նավագհանգիստը։

Պատերազմը տևել է 116 տարի (ընդմիջումներով)։ Պատերազմի առաջին փուլը (Էդվարդի պատերազմ) շարունակվել է 1337—1360թթ., երկրորդը (Կարոլինգյան պատերազմ)` 1369—1389թթ., երրորդը (Լանկաստերյան պատերազմ)` 1415—1429թթ., չորրորդը` 1429—1453թթ.։

«Հարյուրամյա պատերազմ» եզրը ստեղծվել է հետագայում պատմաբանների կողմից։