ՀՀ-ում հանդիպում է Հայաստանի, հարավարևելյան և Արարատյան դաշտի կիսաանապատների առանձին կղզիացած վայրերում, որտեղ գերիշխում են դաշտավլուկազգիներով և դաշտավլուկաօշինդրային խմբակցություններով հարուստ չոր տափաստանային և կիսատափաստանային տարածքները (600-1400 մ բարձրներում)։
Սնվում է խոտաբույսերով, սերմերով, միջատներով, կրծում ծառերի և թփուտների արմատները։ Մարմնի երկարությունը՝ մինչև 12,6 սմ է, պոչինը՝ 3,4 սմ։ Մեջքի մորթին բաց ավազագույնից մուգ գորշամոխրագույն է, փորինը՝ սպիտակավունից մոխրագույն։ Պոչը թույլ երկգույն է։ Հետին թաթի տակ կա 5 կոշտուկ։
Բնակվում է ոչ խորը, բարդ կառուցվածքով հողափոր բներում։
Բազմանում է տարին մինչև 5 անգամ։ Հղիությունը տևում է 19-20 օր։ Ունենում է 5-8 (երբեմն՝ 18) ձագ։ Ակտիվ գործում է տարվա բոլոր եղանակներին (ամռանը և ձմռանը հողի մակերեսին գործունեությունը նվագում է)։ Վնասում է գյուղատնտեսական մշակաբույսերին։ Մի շարք վարակիչ հիվանդությունների կրող է։
Млекопитающие фауны СССР. Ч. I. Ред. И.И. Соколов. — Л.։ АН СССР, 1963. — 638 с.
Wilson, D. E., and Reeder, D. M. (eds). Mammal Species of the World. 3rd edition. Johns Hopkins University Press. 2005. — ISBN 0-8018-8221-4.
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
