Հայկ Աքթերյան
Հայկ Աքթերյան | |
---|---|
Ծնվել է | մարտի 5, 1904[1] |
Ծննդավայր | Կոնստանցա, Ռումինիա |
Մահացել է | օգոստոսի 8, 1943[1] (39 տարեկան) |
Մահվան վայր | Kuban bridgehead, ԽՍՀՄ |
Կրթություն | Բուխարեստի համալսարան և Spiru Haret National College? |
Քաղաքացիություն | Ռումինիայի թագավորություն |
Մասնագիտացում | լրագրող, կինոռեժիսոր, դերասան, բանաստեղծ և գրականագետ |
Ամուսին | Մարիետա Սադովա |
Հայկ Արամի Աքթերյան (ռումիներեն՝ Haig Acterian, մարտի 5, 1904[1], Կոնստանցա, Ռումինիա - օգոստոսի 8, 1943[1], Kuban bridgehead, ԽՍՀՄ), ռումինահայ բեմադրիչ, թատերագետ, թարգմանիչ։
Կենսագրություն[խմբագրել | խմբագրել կոդը]
Հայկ Աքթերյանը ծնվել է Ռումինիայի Կոստանցա քաղաքում։ Ավարտել է Բուխարեստի համալսարանը և դրամատիկական արվեստի կոնսերվատորիան։ Կատարելագործվել է Փարիզում, Բեռլինում, Հռոմում, Վիեննայում։ 1940-1941 թվականներին եղել է Բուխարեստի Ազգային թատրոնի տնօրենը։ Եղել է ժամանակակից նոր թատրոնի ջատագովներից, որի վառ արտահայտությունն է համարել Խորհրդային Ռուսաստանի թատերարվեստը։ Եղել է ռումինական Մեծ հանրագիտարանի խմբագիրներից։ Մասնակցել է ՀՕԿ-ի Բուխարեստի մասնաճյուղի «Հայաստանյան երեկոներին»։ Թարգմանությունները հրատարակվել են «Անի» հայագիտական հանդեսում (ռումիներեն)։ Ռումիներեն է թարգմանել Եղիշե Չարենցի և Միսաք Մեծարենցի գործերից։ Միհայիլ կեղծանունով լույս է ընծայել բանաստեղծությունների երկու ժողովածու[2][3]։
Բեմադրություններ[խմբագրել | խմբագրել կոդը]
- Ռ. Շերիֆի «Ճանապարհորդության վերջը»
- Յ. Մինուլեսկուի «Անթև աղունիկներ»
- Ֆ. Հերբելի «Հուդիթ»,
- Ժ. Տեպայի «Լրտեսուհին»
Թատերագիտական աշխատություններ[խմբագրել | խմբագրել կոդը]
- «Պատրվակներ ռումինական թատերագիտության համար», 1936
- «Շեքսպիր», 1938
- «Արվեստի սահմանագծերում», 1939
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ «Հայկ Աքթերյանի կենսագրությունը AV Production կայքում». Արխիվացված է օրիգինալից 2016 թ․ ապրիլի 26-ին. Վերցված է 2018 թ․ փետրվարի 18-ին.
- ↑ Haig Acterian – Viaţa şi opera
Վիքիդարանն ունի նյութեր, որոնք վերաբերում են «Հայկ Աքթերյան» հոդվածին։ |