Հայկուշ Բաղդատյան
Ծնվել է | մայիսի 28, 1928 |
---|---|
Ծննդավայր | Ստեփանակերտ, Ադրբեջանական ԽՍՀ, ԱԽՖՍՀ, ԽՍՀՄ |
Մահացել է | 1975 |
Մահվան վայր | Երևան, Հայկական ԽՍՀ, ԽՍՀՄ |
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | բժիշկ |
Գիտական աստիճան | գիտությունների թեկնածու |
Հայկուշ Բախշիի Բաղդատյան (մայիսի 28, 1928, Ստեփանակերտ, Ադրբեջանական ԽՍՀ, ԱԽՖՍՀ, ԽՍՀՄ - 1975, Երևան, Հայկական ԽՍՀ, ԽՍՀՄ), հայ հոգեբույժ, բժշկագիտության թեկնածու։
Կենսագրություն[խմբագրել | խմբագրել կոդը]
1945-1950 թվականներին սովորել է Երևանի բժշկական ինստիտուտի բուժական-կանխարգելողական ֆակուլտետում։ Այնուհետև սովորել է ասպիրանտուրայում։ 1950-1952 թվականներին սովորել է Երևանի մարքսիզմ-լենինիզմի երեկոյան համալսարանում։ 1963 թվականին դատական հոգեբուժության գծով վերապատրաստվել է Մոսկվայի բժիշկների կատարելագործման կենտրոնական ինստիտուտում։ 1966 թվականին պաշտպանել է թեկնածուական թեզ՝ «ՀԽՍՀ-ում էպիլեպսիայի տարածվածության հարցի մասին» թեմայով։ 1967 թվականին ստացել է բժշկագիտության թեկնածուի գիտական աստիճան։ Աշխատել է Երևանի քաղաքային հոգեբուժական դիսպանսերում՝ որպես հոգեբույժ։ Աշխատանքներին զուգահեռ դասավանդել է Երևանի բժիշկների կատարելագործման ինստիտուտի հոգեբուժության ամբիոնում։ Եղել է ԵրՔԴՀ-ի կուսակցական կոմիտեի քարտուղարը[1]։
Պարգևներ[խմբագրել | խմբագրել կոդը]
- «1973 թվականի սոցիալիստական մրցության հաղթող» շքանշան
- «Անձնվեր աշխատանքի համար, ի նշանավորումն Վ. Ի. Լենինի ծննդյան 100-ամյակի» մեդալ
Աշխատություններ[խմբագրել | խմբագրել կոդը]
- ՀԽՍՀ-ում էպիլեպսիայի տարածվածության հարցի շուրջ, (Հոգենյարդաբուժական հիմնարկների նյութերի կլինիկա-վիճակագրական տվյալները), թեկնածուական թեզի ավտոռեֆերատ, Եր., 1966, 24 էջ։
- Էպիլեպտիկ հիվանդության զանազան կլինիկական ձևերի և սիմպտոմատիկ ցնցումային վիճակների կլինիկա-վիճակագրական գնահատականը։ Խորհրդային իշխանության հաստատման 50-ամյակին նվիրված Անդրկովկասի հոգեբույժների գիտական կոնֆերանսի նյութերը, Եր., 1967։
Ծանոթագրություններ[խմբագրել | խմբագրել կոդը]
- ↑ Հարություն Մինասյան, «100 հայ հոգեբույժներ», Գիրք Ա, Երևան, 2002.