Հայաստանի ֆուտբոլի ֆեդերացիա

Վիքիպեդիայից՝ ազատ հանրագիտարանից
Հայաստանի ֆուտբոլի ֆեդերացիա
ՈՒԵՖԱ
Կազմակերպության պատկերանիշը
Հիմնված 1992 թ. հունվարի 18
Շտաբ Երևան
ՖԻՖԱ-ի անդամ 1992 թ. հուլիսի 3
ՈՒԵՖԱ-ի անդամ 1993 թ. հունվարի 17
Նախագահ Ռուբեն Հայրապետյան
Կայք http://www.ffa.am

Հայաստանի ֆուտբոլի ֆեդերացիան (ՀՖՖ), հայկական ֆուտբոլը կառավարող մարմինն է։ Հիմնադրվել է 1992հունվարի 18-ին։ ՖԻՖԱ-ի անդամ է 1992-ի հուլիսի 3-ից, ՈՒԵՖԱ-ի լիիրավ անդամ՝ 1993-ի հունվարի 17-ից։ Ֆեդերացիայի նախագահը 2002-ից Ռուբեն Հայրապետյանն է։

ՀՖՖ-ի գործառույթները[խմբագրել]

ՀՖՖ-ի հիմնական խնդիրներն են երկրում ֆուտբոլի տարածումը, զարգացումը, զանգվածային և մանկապատանեկան ֆուտբոլի կազմակերպման ապահովումը, ֆուտբոլիստների վարպետության բարձրացումը, մրցավարների, մարզիչների, մարզիկների բարոյական բարձր հատկանիշների դաստիարակումը, հանրապետության մրցումների կազմակերպումն ու անցկացումը, այդ համակարգերի կատարելագործումը, հայրենական ֆուտբոլի նյութատեխնիկական բազայի զարգացմանը նպաստելը։

ՀՖՖ-ն մշակում է հանրապետությունում ֆուտբոլի զարգացման ընթացիկ և հեռանկարային ծրագրեր, կազմակերպում հանրապետության հավաքական թիմերի նախապատրաստումը միջազգային տարբեր մրցումների։ ՀՖՖ-ն միավորում է մարզային ֆեդերացիաները, ֆուտբոլի ակումբները, մարզադպրոցները, մարզակենտրոնները, բաժանմունքները, համագործակցում է ՀՀ սպորտի և երիտասարդության հարցերի նախարարության հետ։

ՀՖՖ մարմինները[խմբագրել]

ՀՖՖ բարձրագույն մարմինը համագումարն է, որը 4 տարով ընտրում է նախագահ և գործադիր կոմիտեի անդամներ։

Աշխատանքային մարմինը գործկոմն է։ Հրատապ խնդիրներ լուծելու համար ստեղծվել է գործկոմի բյուրո։ Ֆուտբոլի զարգացման հարցերի կարգավորման, ընդունված որոշումների կատարման ընթացքը հսկելու, գործկոմին առաջարկներ ներկայացնելու համար ստեղծվել են բաժիններ (զանգվածային, մրցավարական, պատանեկան, միջազգային կապեր և այլն)։ Ֆեդերացիայում գործում է բաժանմունք, որի գործունեությունը նպատակաուղղված է կանանց ֆուտբոլին։[1]

ՀՖՖ նախագահները[խմբագրել]

Աղբյուրներ[խմբագրել]

  1. Սամսոն Հակոբյան (2009)։ Ֆուտբոլ։ Երևան: «Էդիթ Պրինտ», էջ 6-7։ 
  2. Ռ. Շառոյան, Ա. Բաբայան, Գ. Եղիազարյան (2005)։ Ֆուտբոլի հանրագիտարան։ Երևան: «Գևորգ-Հրայր» ՍՊԸ, էջ 55։ 

Արտաքին հղումներ[խմբագրել]