Հակոբ Անանիկյան
Հակոբ Անանիկյան | |
---|---|
Ծնվել է | դեկտեմբերի 20, 1919 |
Ծննդավայր | Ալեքսանդրապոլ, Հայաստանի Առաջին Հանրապետություն |
Վախճանվել է | մարտի 5, 1977 (57 տարեկան) |
Մահվան վայր | Երևան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Գեղարվեստական ուսումնարան (1939) |
Մասնագիտություն | նկարիչ |
Աշակերտներ | Հենրիկ Նիկոյան |
Պարգևներ |
Հակոբ Հարությունի Անանիկյան (դեկտեմբերի 20, 1919, Ալեքսանդրապոլ, Հայաստանի Առաջին Հանրապետություն - մարտի 5, 1977, Երևան, Հայկական ԽՍՀ, ԽՍՀՄ), հայ նկարիչ։ ՀԽՍՀ վաստակավոր մանկավարժ (1965)։
Կենսագրություն[խմբագրել | խմբագրել կոդը]
Հակոբ Անանիկյանը ծնվել է Ալեքսանդրապոլում։ 1939 թվականին ավարտել է Երևանի գեղարվեստի ուսումնարանը։ 1940 թվականին ընդունվել է Մոսկվայի դեկորատիվ-կիրառական արվեստի ինստիտուտ։ 1939-1941 և 1944-1966 թվականներին դասավանդել է Գյումրիի նկարչական դպրոցում[1]։ 1941-1945 թվականներին մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ») գործողություններին։ 1947-1966 թվականներին եղել է Լենինականի քաղաքային թանգարանի տնօրենը։ 1952 թվականին էքստերն կարգով ավարտել է Երևանի Գեղարվեստի ինստիտուտը։ 1965 թվականին արժանացել է Հայաստանի վաստակավոր մանկավարժի կոչման
Ստեղծագործություններ[խմբագրել | խմբագրել կոդը]
Ստեղծել է բնապատկերներ`
- «Լենինական» (1940, Հայաստանի ազգային պատկերասրահ)
- «Երդում» (1947)
- «Տեսարան Մանթաշից» (1959)
- «Կառնուտ գյուղը» (1962)
- «Աշունը Ջաջուռի սարերում» (1963)
- «Երկաթուղային Կիրակոսյանը» (1949, ՀԱՊ)
- «Աղջիկը ծառի տակ» (1960)
- «Ծեր կոշկակարը» (1971, Ժամանակակից արվեստի թանգարան (Երևան))
- «Պոլոզ Մուկուչը» (1973, ԺԱԹ)
Ցուցահանդեսներ[խմբագրել | խմբագրել կոդը]
1940 թվականից մասնակցել է հանրապետական, իսկ ավելի ուշ՝ համամիութենական և միջազգային ցուցահանդեսների (Հայաստան, Ռուսաստան, Չեխոսլովակիա, Լեհաստան, Արգենտինա, Մոնղոլիա)։ Դասավանդել է Սերգեյ Մերկուրովի անվան նկարչական դպրոցում (Լենինական)։
1978 թվականին կազմակերպվել է հետմահու ցուցահանդես (Հայաստանի նկարիչների միություն, Երևան)։
Աշխատանքները գտնվում են Ժամանակակից արվեստի թանգարանում (Երևան), Հայաստանի Ազգային պատկերասրահում (Երևան), Հայաստանի մշակույթի նախարարության ֆոնդերում (Երևան), Հայաստանի տարբեր մարզերի մշակույթի տներում[2]։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Հակոբ Անանիկյան(չաշխատող հղում)
Արտաքին հղումներ[խմբագրել | խմբագրել կոդը]
- Հակոբ Անանիկյան Արխիվացված 2021-04-17 Wayback Machine
- Հակոբ Անանիկյան Արխիվացված 2021-04-17 Wayback Machine
- Դեկտեմբերի 20 ծնունդներ
- 1919 ծնունդներ
- Գյումրի քաղաքում ծնվածներ
- Մարտի 5 մահեր
- 1977 մահեր
- Երևան քաղաքում մահացածներ
- Փանոս Թերլեմեզյանի անվան գեղարվեստի պետական քոլեջի շրջանավարտներ
- Անձինք այբբենական կարգով
- Նկարիչներ այբբենական կարգով
- Ալեքսանդրապոլ քաղաքում ծնվածներ
- Երևանի Գեղարվեստի ինստիտուտի շրջանավարտներ
- ՀԽՍՀ վաստակավոր մանկավարժներ
- Հայ նկարիչներ
- Հայրենական մեծ պատերազմի հայ մասնակիցներ