Հակահետախուզություն

Վիքիպեդիայից՝ ազատ հանրագիտարանից

Հակահետախուզություն, պետության հատուկ մարմնի գործունեությունը՝ ուղղված մի այլ պետության հետախուզության դեմ։ Կապիտալիստական երկրներում կենտրոնական կամ ծայրամասային բազմաթիվ մարմինների համակարգ է, հաճախ տարակենտրոնացված տարբեր գերատեսչություններում։ Այն գործում է բոլոր (այդ թվում՝ բարեկամական) պետությունների հետախուզությունների դեմ, ակտիվ աշխատանք է տանում կոմունիստական, բանվորական և առաջադիմական այլ կազմակերպությունների գործունեությունը կազմալուծելու համար։ Կապիտալիստական երկրների հակահետախուզության քայքայիչ գործունեությունը հիմնականում ուղղված է կապիտալիստական երկրներում գտնվող ԽՍՀՄ-ի և սոցիալիստական մյուս երկրների կազմակերպությունների ու քաղաքացիների դեմ։ Սոցիալիստական երկրներում հակահետախուզությունը պայքարում է կապիտալիստական պետությունների հետախուզության և այլ հատուկ ծառայությունների լրտեսական, դիվերսիոն, տեռորիստական գործունեության դեմ, վայելում աշխատավորների վստահությունն ու պաշտպանությունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png