Հազար (մառոլ, կաթնուկ, (Lactuca)) աստղածաղկազգիների (բարդածաղկավորներ) ընտանիքի միամյա, երկամյա կամ բազմամյա խոտաբույսերի ցեղ: Հանդիպում է 100 տեսակ, ՀՀ-ում` 4-5: Աճում է Գեղարքունիքի, Լոռու, Արագածոտնի, Կոտայքի մարզերում և այլուր: Մշակվում է ամենուրեք: Ցողունի բարձր. 10-120 սմ: Տերևները նշտարանման են, ամբողջական կամ փետրաձև բաժան, ծաղկաբույլը` հուրանանման կամ ողկույզանման զամբյուղ, ծաղիկը` դեղին, երբեմն` երկնագույն կամ վարդագույն, պտուղը` թռչող սերմիկ: Դեղաբույս է: Պարունակում է խեժ, վիտամիններ C, B, PP, կարոտին, երկաթի և ֆոսֆորի աղեր: Օգտագործվում է սննդի մեջ:
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանի ց, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։  |
