Հաբուսի

Գյուղ
Հաբուսի
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառ	Խարբերդի գավառ
Այլ անվանումներ	Աբուսի, Աբուսին, Ապուսի, Խաբուսի, Խապուսին, Հաբուսին, Հապուսի
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Հաբուսի, գյուղ Արևմտյան Հայաստանում, Խարբերդի վիլայեթի Խարբերդի գավառում։ Գտնվում էր Խարբերդ քաղաքից 21 կմ արևելք, Արածանիի ձախ կողմում, այգեվետ վայրում։

Պատմություն

1895 թվալանին գյուղում ոչնչացվել են մեծ թվով հայեր։ Հայերից մոտ 2800 հոգի զոհվել են 1915 թվականին, Մեծ եղեռնի ժամանակ, Դեյր Էզ-Զոր անապատում։ Փրկվածները բնակություն են հաստատել տարբեր երկրներում։

Բնակչություն

XX դարի սկզբին ուներ 190 տուն հայ բնակիչ։ 1914 թվականին ուներ մոտ 3000 հայ բնակիչ։

Տնտեսություն

Հայ բնակչությունը զբաղվում էին երկրագործությամբ, անասնապահությամբ և արհեստներով։

Պատմամշակութային կառույցներ

Հաբուսին ուներ Ս. Աստվածածին անունով եկեղեցի։

Կրթություն

Գյուղն ուներ 2 հայկական դպրոց։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 242)։