Կրիտիկական ջերմաստիճան
Կրիտիկական ջերմաստիճան, եզրը օգտագործվում է հետևյալ հասկացություններում։
- նյութի ջերմաստիճանը կրիտիկական վիճակում։ Կրիտիկական ջերմաստիճանում վերանում են հավասարակշռության մեջ գտնվող հեղուկի և գոլորշու ֆիզիկական հատկությունների տարբերությունները։ Կրկնակի համակարգերում (օրինակ, պրոպան-իզոպենտան) հեղուկ-գոլորշի հավասարակշռությունն ունի ոչ թե մեկ կրիտիկական ջերմաստիճան, այլ տարածական կրիտիկական կոր, որի ծայրակետերը մաքուր բաղադրիչների կրիտիկական ջերմաստիճաններն են։
- Լուծելիության կրիտիկական ջերմաստիճանը, որի դեպքում հեղուկ խառնուրդի սահմանափակ լուծելիություն ունեցող բաղադրիչները դառնում են փոխադարձաբար անսահմանափակ լուծելի։
- Մի շարք հաղորդիչների՝ գերհաղորդականության վիճակին անցնելու ջերմաստիճանը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 691)։ |