Կռատուկ

Վիքիպեդիայից՝ ազատ հանրագիտարանից
ArctiumLappa1.jpg

Կռատուկ (Arctium), կոծոծ, բարդածաղկավորների ընտանիքի բույսերի ցեղ։ Խոշոր տերևներով երկամյա բույսեր են։ Ծաղիկները երկսեռ են, խողովակավոր, հաճախ վառ գույնի, գնդաձև զամբյուղներով հավաքված ընդհանուր ծաղկաբույլում։ Պտուղների հասունացման շրջանում զամբյուղները հեշտությամբ պոկվում են, կպչում կենդանիների բրդին, մարդկանց հագուստներին։ Հայտնի է մոտ 10 տեսակ, որից 6-8-ը աճում էին նաև ԽՍՀՄ-ում, մեծ մասամբ՝ բնակավայրերին մոտ, աղբոտ վայրերում, ճամփեզրերին, երբեմն դաշտերում։ ՀՀ-ում տարածված է երկու տեսակ։ Կռատուկի արմատների եփուկը պարունակում է ինուլին, օրգանական թթուներ, եթերայուղեր ու այլ նյութեր և օգտագործվում է որպես միզամուղ, քրտնաբեր միջոց, ինչպես նաև ռևմատիզմի, պոդագրայի, մաշկային այլ հիվանդությունների դեպքում։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png