Կուրիլյան կղզիներ

Վիքիպեդիայից՝ ազատ հանրագիտարանից
Picto infobox map.png
Կուրիլյան կղզիներ
Курильские острова / 千島列島 Chishima rettō

'
Կոորդինատներ 46°18′59.99″ հս. լ. 151°18′00″ ավ. ե. / 46.3° հս. լ. 151.3° աե. ե.46°18′59.99″ հս. լ. 151°18′00″ ավ. ե. / 46.3° հս. լ. 151.3° աե. ե.
Երկիր Ռուսաստան Ռուսաստան
Ճապոնիա Ճապոնիա[1]
Տեղագրություն Օխոտի ծով, Խաղաղ օվկիանոս
Կղզիների քանակը 56
Ամենամեծ կղզին Իտուրուպ
Ընդհանուր մակերեսը 10 500 կմ2
Ամենաբարձր կետը 2339 մ
Բնակչություն (2010) 19 245 մարդ
Բնակչության խտությունը 1,833 մարդ/կմ2

Կուրիլյան կղզիների արբանյակային լուսանկար
##Կուրիլյան կղզիներ (Խաղաղ օվկիանոս)
Red pog.svg
##Կուրիլյան կղզիներ (Ռուսաստան)
Red pog.svg
Commons-logo.svg Վիքիպահեստում

Կուրիլյան կղզիներ, արշիպելագ Օխոտի ծովի և Խաղաղ օվկիանոսի սահմանագծում։ Գտնվում է Հոկայդո կղզու և Կամչատկա թերակղզու միջև։ Կազմված է 30 մեծ և բազմաթիվ փոքր կղզիներից։ Տարածությունը 15, 6 հազար Կմ2 է։ Բաժանվում է Կուրիլյան Մեծ (1200 Կմ) և Կուրիլյան Փոքր (120 կմ) շղթաների։ Կրուզենշտեռնի և Բուսոլ նեղուցներր կղզիների Մեծ շղթան բաժանում են 3 խմբի՝ հյուսիսային, միջին, հարավային։ Յուրաքանչյուր կղզի հրաբուխ է կամ հրաբուխների շղթա։ Օգտակար հանածոներից կան ծծումբ, ոսկի, սնդիկ, պղինձ, անագ։ Ռելիեֆը լեռնային է՝ 500-1000 մ, առավելագույնը՝ 2339 մ բարձրությամբ։ Ափերը զառիթափ են կամ դարավանդավոր։ Կլիման չափավոր ցուրտ է, մուսսոնային։ Փետրվարի միջին ջերմաստիճանը -6°C -ից -7°C է, նվազագույնը՝ մինչև -25°C, օգոստոսինը 10-17°C է, տարեկան տեղումները՝ 600-1000 մմ խոշոր կղզիները կտրտված են բազմաթիվ գետերով ու գետակներով։ Շատ կան լճեր։ Հողերը գերազանցապես ճմային են, մարգագետնային, անտառներում՝ թույլ պոդզուային։ Բուսածածկույթը բաղկացած է ծառատեսակներից, թփուտներից և խոտաբույսերից։ Կենդանիներից կան աղվես, արջ, կնգում, շերտավոր սկյուռ։ Շատ են թռչունները, ձկներն ու ծովային գազանները։ Բնակչությունն զբաղվում է ձկնորությամբ և անտառատնտեսությամբ։ Կա ձկնարդյունաբերություն։ Քաղաքներն են՝ Կուրիլսկը, Սևերո-Կուրիլսկը։

Ծանոթագրություններ[խմբագրել]

  1. Վիճելի տարածք է Ճապոնիայի և Ռուսաստանի միջև։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png