Կորոլ ի Շուտ

Կորոլ ի Շուտ
Հիմնական տվյալներ
Երկիր	Ռուսաստան Սանկտ Պետերբուրգ
Ժանրեր	Փանկ-ռոք Horror Punk Folk-Punk Hardcore Punk Art-Punk
Գործունեություն	1988–ներկա
Լեյբլ	Nikitin
Կապված	KnyaZZ
Կայք	korol-i-shut.ru
Անդամներ
Միխաիլ Գորշենյով Ալեքսանդր Շիգոլյով Յակով Ցվիրկունով Սերգեյ Զախարով Պավել Սաժինով Ալեքսանդր Լեոնտև
Նախկին անդամներ
Մարիա Նեֆյոդովա Ալեքսանդր Բալունով Դմիտրի Ռիշկո Անդրեյ Կնյազև

«Կորոլ ի Շուտ» (ռուս.՝ Король и Шут, հապավումը ԿԻՇ, թարգմանաբար՝ Արքան և ծաղրածուն), ռուսական փանկ-ռոք խումբ է: Հայտնի է պանկ-ռոքի համար անսովոր կատարմամբ, որ երգերը հիմնականում իրենցից ներկայացնում են միստիկական կամ պատմական հիմքերով կարճ սարսափ-պատմվածքներ: Տեքստերում հիմնականում խոսվում է միստիկական թեմատիկայի շուրջ, մասամբ նաև սլավոնական դիցաբանության մասին: Երգերի հերոսներն են հանդիսանում չար ծաղրածուներ, ծովահեններ, արնախումներ, տրոլլներ, զոմբիներ և այլ հեքիաթային և դիցաբանական էակներ: Երգերի հեղինակներն են Անդրեյ Կնյազևը և Միխաիլ Գորշենյովը: Բեմական ոճում օգտագործվում է երգերի թեմատիկային բնորոշ վախեցնող դիմահարդարում և հագուստ:

Պատմություն

Սկզբնական ժամանակը

«Կորոլ ի Շուտ» խումբը 1988 թ.-ին Սանկտ Պետերբուրգում, դպրոցական ընկերներ Միխայիլ Գորշենյովի, Ալեքսանդր Բալունովի ու Ալեքսանդր Շիգոլյովի կողմից: Սկզբնական ժամանակ խումբը կրում էր "Կոնտորա" անվանումը: 1990-ին խմբին է միանում երգիչ Անդրեյ Կնյազևը: 1991-ից խումբը սկսեց ձայնագրվել կիսապրոֆեսիոնալ ստուդիաներում: Նույն թվականին կայացավ խմբի առաջին ելույթը ռադիոյով՝ մասնակցելով Անատոլի Գունիցկու հեղինակային հաղորդմանը: Խմբի առաջին ելույթը հասդիսապեսի առջև կայացավ Սանկտ Պետերբուրգուն, Իգոր Գոլուբևի "ռիթմի դպրոց"-ում՝ Ռուբինշթեյն 13-ում գտնվող հին ռոք-ակումբի շենքում:

Խմբի վերանայված գաղափարախոսությունից հետո, երբ որոշվեց ստեղծագործել հեքիաթային և միստիկական թեմաների շուրջ, անհրաժեշտ էր փոխել խմբի անունը: Ընտրությունը կայացնում էին «Зарезанный одуванчик», «Апокалипсис» և, ամենից նախընտրելի, «Король шутов» անունների միջև: 1992 թվականին խումբը ընդունում է "Կորոլ ի Շուտ" (Թագավորը և ծաղրածու) անվանումը:

1995 թ. խմբին միանում է կիթառահար Յակով Ցվիրկունովը: 1996-ին Ռուսաստանի 5-րդ հեռուստաալիքը ցուցադրեց 1,5 ժամ տևողությամբ «Սպիտակ գիծ» հաղորդումը խմբի մասին, որը հետագայում մի քանի անգամ կրկնվեց եթերում: Ծրագրի նկարահանման արդյունք դարձան 4 տեսահոլովկներ «Дурак и молния», «Внезапная голова», «Садовник» և «Блуждают тени» երգերի հիման վրա:

Ճանաչվածության սկիզբը

Խմբի առաջին պաշտոնական ալբոմը «Камнем по голове» (Կամնեմ պո գոլովե) անվանմամբ թողարկվեց 1996-ին "Մելոդիա" ձայնագրման ստուդիայում: 1997-ին խումբը մասնակցեց "Պանկ-Ռեվոլյուցիա" փառատոնին՝ «П. Н. Д.», «ЫШО-ЫШО», «Пурген», «Азъ», «Тараканы», «Чудо-юдо», «Кранты и Непомнящий», «Д. Н. К.», «Satan KLAUS», «Террор», «Distemper», «Франкель-Шпокель» խմբերի հետ մեկտեղ: Համերգը ձայնագրվեց և 1998-ին թողարկվեց տեսաերզների վրա:

1998թ. խմբին միացավ ջութակահար Մարիա Նեֆյոդովան, որից հետո խումբը սկսեց օգտագործել նաև ֆոլկ-ռոքային հնչողությունը: 1999-ին լույս տեսավ «Акустический Альбом» (Ակուստիկ ալբոմ) ձայներիզը, որի մեծ հաջողություն ունեցավ: Խումբը ճանաչվեց ողջ Ռուսաստանում: 1999 թ. փետրվարի 20-ին ԿԻՇ-ը առաջին անգամ համերգ ունեցավ Սանկտ Պետերբուրգի ամենամեց դահլիճում՝ «Յուբիլեյնի» համալիրում, որը նույնպես մեծ հաջողություն էր: Հեռուստաեթեր դուրս եկավ առաջին պրոֆեսիոնալ նկարահանված «Ели мясо мужики» (Ելի մյասո մուժիկի) տեսահոլովակը: 1999թ. մայիսի 28-ին Կորոլ ի Շուտի նախաձեռնությամբ տեղի ունեցավ «Սկոմոռոխ Պանկ-Փառատոն»-ը «Յուբիլեյնի» համերգասրահում, որին մասնակցեցին Սանկտ Պետերբուրգի հայտնի ռոք-խմբերից «Бегемот», «Бригадный подряд», «Кукрыниксы», «The Пауки» և մոսկովյան «Наив» խմբերը: 2000թ.-ին թողարկվեց «Герои и злодеи» (Գերոի ի զլոդեի - Հերոսներ և չարագործներ) ալբոմը, որտեղից «Помнят с горечью древляне» երգը հիթ դարձավ:

Խմբի 10-ամյակը

2001 թ. գարնանը մեծ մեծ հրավառությոամբ խումբը նշեց իր տասնամյակը: Հոբելյանի կապակցությամբ թողարկվեց «Собрание» (Սոբրանիյե - Հանդիպում/Հավաքածո) լավագույն երգերի հավաքածուն, ինչպես նաև գալա-համերգներվ հանդես եկան Ռուսաստանի և Բելառուսի խոշոր քաղաքներում: Խումբը համերգներ ունեցավ Սանկտ Պետերբուրգի "Յուբիլեյնի" համերգասրահի և Մոսկվայի "Լուժնիկի" մարզական համալիրի փոքր դահլիճների բեմում: Երկու համերգներն էլ մեծ հաջողությամբ անցան: Այդ պահից սկսած "Կորոլ ի Շուտ"-ը դառնում են Ռուսաստանի բոլոր խոշոր ռոք-փառատոնների անփոխարինելի մասնակիցները:

Համերգային շրջագայությունը հաջորդում է 2002-ին թողարկված «Как в старой сказке» (Կակ վ ստարոյ սկազկե - Ինչպես հին հեքիաթում) ալբոմը, որը խմբի ամենահաջողված ալբոմներից է դառնում: Այս, ինչպես և դրան հաջորդող «Жаль, нет ружья» (Ժալ, նետ ռուժյա - Ապսոս, հրացան չկա) ալբոմներում խումբը սկսում է բարձրացնել անարխիայի և Պանկ-հասարակության թեմաները: Սակայն, խմբի «անլուրջ» համբավի և տեքստերի գրեթե ծաղրերգության ոճի պատճառով ռուս փանկերը լրջորեն խումբը չընդունեցին, և նույնիսկ հերքում էին խմբի ոճային պատկանելիությունը: Այնուհանդերձ խումբը երիտասարդության շրջանակներում նվաճեց գրեթե պաշտամունքային կարգավիճակ:

Խումբը կրկնեց հիթ-շքերթներում իր հաջողությունները՝ «Проклятый старый дом», «Мёртвый анархист» և «Медведь» երգերը գրավեցին «Չարտովա դյուժինա»-ի բարձրունքին, ռեժիսոր Վալերի Խատտինի կողմից նկարահանած «Проклятый старый дом» երգի տեսահոլովակը ցուցադրվում էր MTV Russia հեռուստաալիքի եթերում, ինչպես նաև մի քանի շաբաթ շարունակ գլխավորում էր Բելառուսի ազգային հեռուստատեսության «Клип-обойма» հիթ-շքերթը, և տարեվերջին ճանաչվեց որպես տվյալ հիթ-շքերթի ամենապահանջված տեսահոլովակը: Խումբը ստանում է մի շարք մրցանակներ: 2002-ին «Կորոլ ի Շուտ»-ը հայտարարվում է Ռուսաստանի ամենախոշոր «Նաշեստվիյե», ինչպես նաև «Friday,13» ռոք-փառատոնների հեդլայներ:.

2003-ին խումբը առաջին անգամ համերգներ ունեցավ ԱՄՆ-ում, Իսրայելում և Ֆինլանդիայում, որից հետո Մոսկվայում 3 ժամ տևողությամբ մեծ համերգ ունեցավ "Օլիմպիյսկի" մարզական համալիրի դահլիճում, որի ձայնագրությունը հետագայում թողարկվեց տեսասերիզներով:

2004 թվականին թողարկվեց «Панки в городе. N6» պանկ-ռոքային փառատոնի ձայնագրված տեսաերիզը: Տեսագրությունը անցկացվում էին օգոստոսի 27-ին "Լուժնիկի" համալիրում, որտեղ բացի ԿԻՇ-ից մասնակցում էին «Էլիզիում», «1,5 кг отличного пюре», «Նաիվ», «Коллекция дней» и «Պուրգեն» ճանաչված խմբերը:

2000-ականներ. Ճգնաժամ

2004-թողարկվեց «Бунт на корабле»(Բունտ նա կորաբլե) ալբոմը, որտեղ երգերից 3-ը նվիրված էին ծովահենների և նավատորմի թեմաներին: «Месть Гарри» տեսահոլովակը ցուցադրվում էր "MTV Russia" հեռուստաակիքով: Երաժշտության մեջ զգացվում է ալտերնատիվ մետալի ազգեցությունը, իսկ ժողովրդական մեղեդիները պակասել էին: Այս փոփոխությունը լսողների մեծ մասի կողմից չընդունվեց: Խումբը դժվարություններ սկսեց ունենալ երաժիշտների կազմի հետ՝ խմբից հեռացան ջութակահար Մարիա Նեֆյոդովան, բաս-կիթառահար Ալեքսանդր Բալունովը, կիթառահար Ալեքսանդր Լեոնտևը: Խմբի ստեղծագործական գործունեությունը դադարեց, նշանակությունը և պահանջարկը իջավ:

Այդ դադարի ընթացքում գրեթե միաժամանակ Գորշոկը և Կնյազը թողարկեցին սեփական ալբոմները, որից հետո սկսեցին լուրեր տարածվել խմբի խմբի ցրման մասին: Գորշենյովի «Я - Алкоголик Анархист» ալբոմը կազմված էր «Бригадный подряд» (Բրիգադնիյ Պոդրյադ) փանկ-ռոք խմբի վերամշակված երգերից, և ձայնագրվել էր երաժիշտ Նիկոլայ Միխայլովին բարեգործական աջակցություն ցուցաբերելու նպատակով: Կնյազևը թողարկում է ակուստիկ «Любовь негодяя» (Լյուբով նեգոդյայա) ալբոմը, որի ձայնագրման աշխատանքներին մասնակցեցին հրավիրված ռոք-երաժիշտներ՝ Օլեգ Շառն ու Վլադիմիր Կուդրյավցևը Ակվարիում խմբից, Սերգեյ Յանսոնը «Хоронько-оркестр»-ից, Սերգեյ "Չիժ" Չիգրակովը, երգչուհի Յուլիա Խուդյակովան և Dominia խմբի ջութակահար Դմիտրի "Casper" Ռիժկոն:

2006 թվականին "Կորոլ ի Շուտ"-ի նոր կազմը վերջնականապես համալրվեց: Նոր բաս-կիթառահար դարձավ Սերգեյ Զախարովը, ջութակահարը՝ Դմիտրի Ռիժկոն: Երկրորդ կիթառահար ունենալուց խումբը հրաժարվեց: Նորացված կազմով խումբը թողարկեց «Продавец кошмаров» (Պրոդավեց կոշմառով - Սարսափների վաճառողը) ալբոմը, որից «Марионетки», «Маска», «Ром», «Отражение» և «Джокер» կատարումները տեղ գտան ռադիոկայանների հիթ-շքերթներում: Նույն թվականին խումբը կրկին մեկնեց ԱՄՆ, որտեղ մասնակցեց "Շտոպոռ" փառատոնին, և համերգով ելույթ ունեցավ Սան-Ֆրանցիսկոյում: 2007 թվականի ամանորի գիշերը "Նաշե Ռադիո" ռադիոկայանի եթերում երաժիշտները պատմեցին "Մոռոզկո" հեքիաթը, որին միացնում էին «Продавца кошмаров» ալբոմի երգերի դրվագները:

2007-2010

2007-ին խումբը Ռուսաստանի բազում քաղաքներով համերգային շրջագայությամբ նշում էր ստեղծման 15-ամյակը: 2007 թ. կեսից սկսում են աշխատել նոր սկավառակի ձայնագրմամբ: Խմբին է միանում ձայնային ռեժիսոր Պավել Սաժինովը՝ որպես դաշնակահար: Խմբի նոր ձայնային ռեժիսոր է նշանակվում երիտասարդ մասնագետ Դենիս Նեվոլինը: Նաև խմբին է միանում Վիկտորիա Վիատրիսը որպես խմբի մշտական լուսանկարիչ:

2007-ի օգոստոսին թողարկվում է Կնյազևի և Գորշենյովի կողմից ձայնգրված «Страшные сказки» (Ստռաշնիյե սկազկի - Վախենալու հեքիաթներ) հավաքածուն, որտեղ տեղ են գտել ռուսական առասպելներից ու Գրիմմ եղբայրների հեքիաթներից ամենից սարսափելի բովանդակությամբ 13 հեքիաթներ:.

2008 թ. նոյեմբերի 18-ին թողարկվեց խմբի իններորդ՝ «Тень клоуна» (Ծաղրածուի ստվերը) ալբոմը: 2009թ. ապրիլի 10-ին Մոսկվայի "Live Music Hall" դահլիճում ձայնագրվեց համանուն համերգային տեսաերիզը:.

2009 թվականին խումբը հայտարարեց նոր, ակուստիկ ալբոմի ձայնագրության մասին: Քիչ ժամանակ անց լույս է տեսնում «Танец злобного гения» սինգլը, որը հետագայում թողարկվեց նոր ալբոմում: Նույն թվականին խումբը մասնակցեց «Соль» (Սոլ) երաժշտական նախագծին, որի համար ձայնագրեց "Կորոբուշկա"՝ հին ռոսական ժողավրդական երգը:.

2010-ին թողարկվեց «Фокусник» (Ֆոկուսնիկ) սինգլը ապագա ալբոմից.

2010 թ. հոկտեմբերի 11-ին «Նաշե ռադիո» ռադիոկայանի եթերում կայացավ «Театр демона» (Տեատր դեմոնա - Դեվի թատրոն) ալբոմի պաշտոնական հրապարակումը: Ալբոմի ձայնագրման աշխատանքներին մասնակցել են նաև հրավիրված ռոք-երաժիշտներ՝ շրթհարմոնիստ Օլեգ Շավկունուվը "Ակվարիում" խմբից, թավջութակահար Դմիտրի Օհանյանը "Կուկռինիկսի" խմբից, մանդոլինա նվագող Սերգեյ Ստարոդուբցևը "Կաֆե" խմբից, Սերգեյ "Անգել" Դավիդովը (ակուստիկ կիթառ), Սաշա Սուվորովը (շրթհարմոն), Ստաս Մակառովը (շեփոր): Ալբոմը թողարկվեց 16 էջանի գրքույկով, որտեղ, նախահեղափոխական ոճով, տեղ գտան խմբի լուսանկարները, խմբի անդամների մասին գեղարվեստական բնութագրերը և երգերի տեքստերը: Ալբոմը ստացվեց խմբի համար էքսպերիմենտալ համարվող արտ-ռոք ոճով:

20-ամյակը. Փոփոխություններ

Կնայզևը և Գորշենյովը՝ «Рок над Волгой» փառատոնի ժամանակ, 2011 թ.

2011 թվականին խմբի առաջատարներ Միխաիլ Գորշենյովն ու Անդրեյ Կնյազևը որոշում են զբաղվել սեփական նախագծերվ: Կնյազը ստեղծում է "KnyaZZ" խումբը և արդեն հունիսին թողարկվում է այդ խմբի առաջին "Человек-загадка" (Չելովեկ-զագադկա - Մարդ-գաղտնիք) սինգլը և "Письмо из Трансильвании" (Պիսմո իզ Տրանսիլվանիի) ալբոմը: Այդ ժամանակ Գորշակը աշխատում է մոլագար-վարսավիր Սուինի Թոդդի մասին մյուզիքլի ստեղծագործության աշխատանքներով: 2011 թվականին լույս է տեսնում մյուզիքլ-ալբոմի առաջին «Праздник крови» սկավառակը:.

2011 թ. օգոստոսի սկզբին ջութակահար Դմիտրի Ռիշկոն լքում է խումբը Անդրեյ Կնյազևի "KzyaZZ" խմբում մասնակցելու համար:.

2011 թ. օգոստոսի 17-ին, 6-ամյա ընդմիջումից հետո խումբ է վերադառնում կիթառահար Ալեքսանդր Լեոնտևը:

Խմբի 20-ամյա հոբելյանի նախօրեին, 2011 թ. դեկտեմբերի 11-ին, ստեղծագործական տարաձայնությունների պատճառով, ինչպես նաև «КnyaZz» խումբը զարգացնելու նպատակով, Անդրեյ Կնյազևը հայտարարեց խումբը լքելու իր որոշումը:.

2012 թ. ապրիլի 28-ին խումբը հոբելանական համերգով ելույթ ունեցավ Մոսկվայի «Լուժնիկի» մարզադաշտում: Ծրագիրը, որը անվանվեց «10 տարի անց...», և նվիրված էր իրենց առաջին մարզադաշտային համերգների տասնամյակին, տևեց 3 ժամ, որի ընթացքում խումբը կենդանի կատարեց 34 երգ:

2012 թ. ապրիլի 19-ին ձայնագրվել և մայիսի 24-ին թողարկվել է "ToDD. Акт 2 - На Краю" ալբոմը, որը լույս տեսավ մայիսին: Ալբոմը, ի տարբերություն առաջին մասի, որը կոշտ և ռիթմիկ հնչողություն ուներ, ստացվել է ավելի լիրիկական ու մռայլ, միշտ պահպանվում է էմոցիոնալ լարվածությունը:

2013 թ. սկզբին խումբը IV-րդ Ամենամյա ազգային երաժշտական մրցանակաբաշխության ժամանակ ստացել է «լավագույն խումբ» և «լավագույն մեներգիչ» մրցանակները:

Մոտակա տարիներին նախատեսում է լայնածավալ նշել խմբի հոբելյանը, որը նշվելու է Մոսկվայի «Օլիմպիյսկի» մարզահամալիրում երեք ժամ տևողությամբ համերգով` խմբի նախկին մասնակիցների և հրավիրված երաժիշտների մասնակցությամբ:

2013 թվականի մարտի 22-ից մինչ ապրիլի 1-ը խումբը համերգային շրջագայությունով հաճախեց Գերմանիա, ելույթներ ունեցավ Մայնի Ֆրանկֆուրթ, Շտուտգարտ, Բեռլին, Համբուրգ, Հաննովեր և Քյոլն քաղաքներում:

Խմբի անդամները

Ներկայիս կազմը

• Միխաիլ Գորշենյով (Գորշոկ) — վոկալ, ակուստիկ կիթառ (1988-ից)
• Ալեքսանդր Շիգոլյով (Պոռուչիկ) — հարվածային գործիքներ (1988-ից)
• Յակով Ցվիրկունով (Յաշա) — կիթառ, բեք-վոկալ (1996-ից)
• Ալեքսանդր Լեոնտև (Ռենեգատ) — կիթառ, վոկալ (1999 - 2006, 2011-ից)
• Սերգեյ Զախարով (Զախար) — բաս-կիթառ (2006-ից)
• Պավել Սաժինով — ստեղնային (2007-ից)

Նախկին մասնակիցները

• Անդրեյ Կնյազև (Կնյազ) — վոկալ (1990 - 2011 թթ.)
• Ալեքսանդր Բալունով (Բալու) — կիթառ, Բաս-կիթառ (1988 - 2006 թթ.)
• Մարիա Նեֆյոդավա (Մաշա) — ջութակ (1998 - 2004 թթ.)
• Դմիտրի Ռիշկո (Կասպեր) — ջութակ (2005 - 2010 թթ.)
• Դմիտրի Կանդաուրով (Կոլբասա), բաս-կիթառ (պաշտոնապես խմբի մասնակից չի եղել)
• Ալեքսանդր Վասիլյև (Վասյա), բաս-կիթառ (պաշտոնապես խմբի մասնակից չի եղել)
• Ալեքսեյ Գորշենյով (Յագոդա) — հարվածային գործիքներ (պաշտոնապես խմբի մասնակից չի եղել)

Սկավառակագրություն

Չթողարկված սկավառակներ

• 1990 — "Демо-записи"
• 1992 — "В долине болот"
• 1994 — "Король и Шут"
• 1995 — "Любовь негодяя" (Անդրեյ Կնյազևի չթողարկված ալբոմը)

Պաշտոնական ալբոմներ

Տարեթիվ	Անվանումը	Հայերեն թարգմանությունը
1996	Камнем по голове	Քարով գլխին
1997	Король и Шут	Թագավորն ու ծաղրածուն
1999	Акустический альбом	Ակուստիկ ալբոմ
1999	Ели мясо мужики	Տղամարդիկ միս էին ուտում
2000	Герои и злодеи	Հերոսներն ու չարագործները
2001	Собрание	Հանդիպում
2001	Как в старой сказке	Ինչպես հին հեքիաթում
2002	Жаль, нет ружья!	Ափսոս, հրացան չկա
2003	Мёртвый анархист	Մեռած անարխիստը
2004	Бунт на корабле	Ապստամբություն նավի վրա
2006	Продавец кошмаров	Սարսափների վաճառողը
2008	Тень клоуна	Ծաղրածուի ստվերը
2010	Театр демона	Դևի թատրոնը
2011	TODD. Акт 1. Праздник Крови	TODD. Ակտ 1. Արյան տոնը
2012	TODD. Акт 2. На краю	TODD. Ակտ 2. Ծայրեզրին
2013	նախատեսված է թողարկել

Համերգային ալբոմներ

• 1999 — "Ели мясо мужики"
• 2003 — "Мёртвый анархист"
• 2004 — "Концерт в Олимпийском"
• 2011 — "Тень клоуна"

Հավաքածուներ

• 2001 — "Собрание"
• 2007 — "Страшные сказки" (աուդիոպատմվածքներ)
• 2010 — "Новая антология MP3"

Սոլո ալբոմներ

• 2005 — "Я алкоголик, я анархист" — Միխաիլ Գորշենյովի ալբոմը
• 2005 — "Любовь негодяя" — Անդրեյ Կնյազևի ալբոմը
• 2011 — "Письмо из Трансильвании" - Անդրեյ Կնյազևի նորաստեղծ "KnyaZZ" խմբի ալբոմը

Համերգային տեսաերիզները

• 1997 — "Проказник скоморох"
• 1999 — "Ели мясо мужики"
• 2003 — "Мёртвый анархист"
• 2003 — "Страшные истории. Том 1"
• 2004 — "Концерт в Олимпийском"
• 2011 — "Тень клоуна"

Տեսահոլովակներ

• Лесник
• Дурак и молния
• Блуждают тени
• Садовник
• Внезапная голова
• Камнем по голове
• Ели мясо мужики
• Охотник
• Валет и Дама
• Проклятый старый дом
• Волосокрад
• Месть Гарри
• Ром
• Джокер
• Марионетки
• Фокусник
• Танец злобного гения

Մրցանակներ

• 2001 «Fuzz» ամսագիր - "Լավագույն խումբը"
• 2002 «Նաշե Ռադիո» - "Ունկնդիրների ընտրությունը"
• 2002 «Օվացիա» - "Լավագույն ռոք-խումբ"
• 2008 «Չարտովա դյուժինա» - "Ինտերնետի ընտրությունը"
• 2008 «Fuzz» ամսագիր - "Լավագույն տեսահոլովակ" (Ром)
• 2008 «Russian Alternative Music Prize» - "Respect"
• 2008 «Նաշե Ռադիո» - "Տասնամյակի լավագույն երգը" (Прыгну со скалы)
• 2008 «Петербургский музыкант» ամսագիր - "2007-2008 թթ. լավագույն բաս-կիթառահարը" (Սերգեյ Զախարով)
• 2008 «Петербургский музыкант» ամսագիր - "2007-2008 թթ. լավագույն ջութակահարը" (Դմիտրի Ռիշկո)
• 2008 «Петербургский музыкант» ամսագիր - "2007-2008 թթ. լավագույն տեսահոլավակը" (Ром)
• 2010 «Musecube.ru» պորտալ - "Լավագույն ալբոմ" (Театръ Демона)
• 2010 «Չարտովա դյուժինա» - "Լավագույն երգ" (Танец злобного гения)

Արտաքին հղումներ

• Պաշտոնական կայք (Ռուսերեն)
• Խումբը MySpace ցանցում
• Ալիքը ՅուԹյուբ կայքում
• Խմբի կենսագրությունը և հարցազրույցները (Ռուսերեն)
• Խմբի կենսագրությունը Nash Rock կայքում (Ռուսերեն)