Կորթին

Վիքիպեդիայից՝ ազատ հանրագիտարանից
Մոնթանա կորթին

Կորթին( անգլ.՝ Satureja), ծոթրին, ծիթրոն, շրթնազգիների ընտանիքի բույսերի ցեղ։ Միամյա խոտեր, կիսաթփեր և թփեր են։ Ունի մոտ 30 տեսակ։ Տարածված է գլխավորապես միջերկրածովյան երկրներում։ ԽՍՀՄ-ում կա 13 տեսակ՝ տարածված եվրոպական մասի հարավում, Միջին Ասիայում և Անդրկովկասում։ Կորթինի շատ տեսակներ պարունակում են եթերայուղեր։ Հոտավետ Կորթինի ցողունը ճյուղավորվող է, 20-30 սմ բարձրությամբ, տերևները՝ նշտարաձև, ծաղկաբույլում կա 3-5 ծաղիկ։ Սերմերը մանր են, կլորավուն, ձվաձև։ Սննդի մեջ, որպես համեմունք, օգտագործվում են թարմ և չորացրած տերևները։ ժողովրդական բժշկությաև մեջ կիրառվում է որպես ցավամոքիչ, նաև փորկապության դեմ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png