Կորեջիո

Վիքիպեդիայից՝ ազատ հանրագիտարանից
Picto infobox artiste.png
Կորեջիո
Antonio Allegri da Correggio.jpg
Ընդհանուր տեղեկություններ
Ի ծնե Antonio Allegri
Ծնվել է Օգոստոս 1489
Ծննդավայր Կորեջիո, Իտալիա
Մահացել է մարտի 5, 1534 թ.
Մահվան վայր Կորեջիո, Իտալիա
Ազգություն Իտալիա Իտալիա
Ժանր Գեղանկարչություն
Գործունեություն Գեղանկարիչ
Գործունեության տարիներ Ուշ վերածնունդ
Պորտալ Nuvola apps kcoloredit.svg Արվեստ

Անտոնիո Ալլեգրի դա Կորեջիո, կարճ՝ Կորեջիո, օգոստոս, 1489, Կորեջիո - մարտի 5, 1534, նույն վայրում)։ Ուշ վերածննդի դարաշրջանի Իտալացի գեղանկարիչ, հիմնականում աշխատել է Պարմա և Կորեջիո քաղաքներում։

Աշխատանք[խմբագրել]

Աշխատել է Պարմայում և Կորեջոյում։ Կոռեջիոյի ստեղծագործությունները արտացոլում են Վերածննդի իդեալների աստիճանական անկումն ու գեղարվեստական նոր ձևերի և սկզբունքների կազմավորումը։ Կոռեջինոյի մոնումենտալ գեղանկարչությունում շարժուն, թեթև, դեկորատիվ նրբագեղությունը (Պարմայի Սան Պաոլո վանքի որմնանկարները, 1517 և 1520 թվականների միջև) փոխարկվել է դինամիկ արտահայտչականության որոնումներով. Պարմայի Սան Զովաննի էվանջելիստա եկեղեցու (1520 -1523 թվականներ) և տաճարի (1526-1530) որմնանկարներում վերձիգ, Կոռևշո. «Հովիվների երկրպագությունը» (Գիշեր, մոտ 1530, Դրեզդենի պատկերասրահ) սրընթաց կոմպոզիցիան, բարդ կրճատումները նախանշում են բարոկկոյի շրջանի տարածական հնարքները։

Տոնական, աշխարհիկ ոգով տոգորված հաստոցային կոմպոզիցիաներն առանձնանում են կերպարների ինտիմ մեղմությամբ, տպավորիչ դիրքով ու շարժումներով, լուսավոր, արտասովոր գուներանգով («Տիրամայրը և սուրբ Գևորգը», 1530-1532, Դրեզդենի պատկերասրահ)։

Կերպարների հուզականությունը ընդգծելու նպատակով Կոռեջիոն երբեմն դիմել է գիշերային հակադիր լուսավորության էֆեկտներին («Հովիվների երկրպագությունը» կամ «Գիշեր», մոտ 1530 թվական, Դրեզդենի պատկերասրահ)։ Կոռեջիոյի դիցաբանական թեմաներով ստեղծագործությունները («Դանայա», մոտ 1526 թվական, Բորգեզե պատկերասրահ, Հռոմ) բնորոշվում են հեդոնիզմով և ցանկասիրությամբ, կոմպոզիցիոն լուծումների ճկունությամբ

Պատկերասրահ[խմբագրել]

Գրականություն[խմբագրել]

  • Bodmer Н., Correggio und die Malerei der Emilia, W., 1942.
  • Bianconi P., Tutta la pittura del Correggio, Mil., 1953.
  • L’opera completa del Correggio, Mil., 1970.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png