Կոռնիլովշչինա

Վիքիպեդիայից՝ ազատ հանրագիտարանից

Կոռնիլովշչինա, հակահեղափոխական խռովություն 1917 թվականի օգոստոսին, Ռուսաստանի զինված ուժերի գերագույն գլխավոր հրամանատար գեներալ Լավր Կոռնիլովի ղեկավարությամբ՝ երկրում ռազմական դիկտատուրա հաստատելու նպատակով։ Հուլիսյան դեպքերով (Հուլիսյան օրեր 1917 թվական) վերջացավ երկիշխանությունը։

Պետական իշխանությունն ամբողջովին կենտրոնացավ Ալեքսանդր Կերենսկու գլխավորած ժամանակավոր կառավարության ձեռքում, որն ուղղակիորեն օժանդակում էր խռովությանը։ Դավադրությունը գլխավորում էր կադետական կուսակցությունը։ Խռովարարներին պաշտպանում էին Մեծ Բրիտանիայի, Ֆրանսիայի և ԱՄՆ-ի ներկայացուցիչները, որոնք վախենում էին ռուս, հեղափոխության զարգացումից և Ռուսաստանի՝ պատերազմից դուրս գալուց։

Հեղաշրջման հիմնական հարվածող ուժը լինելու էր գեներալ Ալեքսեյ Կրիմովի 3-րդ հեծյալկորպուսը։ Օգոստոսի 25-ին Կոռնիլովը զորքերը շարժեց Պետրոգրադի վրա և պահանջեց ժամանակավոր կառավարության հրաժարականը։ Կերենսկին Կոռնիլովին հայտարարեց խռովարար և ազատեց նրան գերագույն գլխավոր հրամանատարի պաշտոնից, վախենալով, որ գեներալը կարող է հաշվեհարդար տեսնել ոչ միայն բոլշևիկների, այլև մանրբուրժուական կողակցությունների հետ և իրենց հեռացնի իշխանությունից։ Կոռնիլովի դեմ պայքարը իրենց ձեռքը վերցրին բոլշևիկները։ Նրանց կոչով կարմիր գվարդիայի շարքերը մտան ավելի քան 15 հազար բանվորներ։ Հեղափոխությունը պաշտպանել ու համար ոտքի ելան Պետրոգրադի, Մոսկվայի բանվորները, Բալթիական նավատորմի նավաստիները։ Օգոստոսի 30-ին կոռնիլովականների առաջխաղացումը ամենուրեք կանգնեցվեց։ Կրիմովը համոզվելով խռովության ձախողման մեջ՝ ինքնասպան եղավ։ Ձերբակալվեցին գեներալ Կոռնիլովը և ուրիշներ։ Օգոստոսի 31-ին պաշտոնապես հայտարարվեց Կոռնիլովի վերացման մասին։ Կոռնիլովի ջախջախումը խթանեց Մովետների բոլշևիկացմանը Պետրոգրադում և Մոսկվայում. նրանք ընդունեցին «Իշխանության մասին» բոլշևիկյան բանաձևեր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png