Կոմեդի ֆրանսեզ

Վիքիպեդիայից՝ ազատ հանրագիտարանից

Կոմեդի Ֆրանսեզ (Comedie-Francaise, պաշտոնական անվանումը՝ Տեսարան Մոլիերի «Տարտյուֆ» պիեսի ներ կայացումից (1954, «Կոմեդի Ֆրանսեզ») «Թատրոն Ֆրանսես», Theatre- Francais), Ֆրանսիայի ազգային հնագույն թատրոնը։ Հիմնադրվել է 1680-ին, Փարիզում, Լյուդովիկոս XIV-ի հրամանագրով՝ միավորելով Մոլիերի և «Բուրգունդյան օթել» թատրոնները։ Թատերախմբում էին՝ Մ. Շանմելեն, Մ. Բարոնը, Շ. Լագրանժը, Ա. Բեժարը և ուրիշներ։ Ձեռք բերելով դրամայի բեմադրության մենաշնորհ՝ «Կոմեդի Ֆրանսեզը» համախմբել է մեծ դերասաններին։ XVIII դ. թատրոնում կլասիցիզմի պալատա-ազնվականական և դեմոկրատա-լուսավորական միտումները սահմանազատվել են. «վոլտերյան» դերասաններ Ա. Լեկուվրյորը, Մ. Դյումենիլը, Ի. Կլերոնը, Ա. Լեկենը, պահպանելով կլասիցիզմի նորմերը, ձգտել են դեկլամացիայի, բեմական վարքագծի հոգեբանական հավաստիության։ Ֆրանսիական մեծ հեղավւոխության տարիներին «Կոմեդի Ֆրանսեզը» անվանվել է «Ազգի թատրոն»։ XIX դ.—XX դ. սկզբի խոշորագույն դերասաններից էին է. Ռաշելը, ժորժը, Մարսը, Աառա Բեռնարը, ժ. Մունե-Այուլլին։ Ռեալիստական ավանդույթները հիմնականում զարգացրել են կատակերգակներ է. Գոն, Բ. Կոկլենը։ 1930-ական թթ. թատրոնում գործել են ռեժիսորներ ժ. Կոպոն, Լ. ժուվեն, Շ. Դյուլենը, Գ. Բատին; Ներկայացվել են Պ. Կոռնելի, ժ. Ռասինի, Մոլիերի, Պ. Մարիվոյի, Պ. Բոմարշեի, Ա. Մյուսսեի և այլոց երկերը։ Թատրոնի առաջատար դերասաններից են (1950— 1960-ական թթ.) ժ. Մեյերը, Մ. էսկանդը, Լ. Աենիեն, ժ. Բերտոն։ «Կոմեդի Ֆրանսեզը» ելույթներ է ունեցել արտասահմանում (1954, 1964, 1969, 1973-ին՝ ԽՍՀՄ-ում)։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png