Կապուլետներ և Մոնտեկիներ

Վիքիպեդիայից՝ ազատ հանրագիտարանից
Picto infobox music.png
Կապուլետներ և Մոնտեկիներ
I Capuleti e i Montecchi
Կոմպոզիտոր Վինչենցո Բելլինի
Լիբրետտոյի
հեղինակ(ներ)
Ֆելիչե Ռոմանի
Գործողությունների թիվ 2
Ստեղծման թիվ 1830 թ.
Առաջնախաղ 1830 թ. մարտի 11
Առաջնախաղի վայր Վենետիկ

Կապուլետներ և Մոնտեկիներ (իտալ.՝ I Capuleti e i Montecchi), իտալացի երգահան Վինչենցո Բելլինիի օպերա (Tragedia lirica) երկու գործողությամբ։ Իտալերեն լիբրետտոն Ֆելիչե Ռոմանիի ըստ իտալերեն աղբյուրների, որոնց վրա հիմվել է Վիլյամ Շեքսպիրը «Ռոմեո և Ջուլիետ» ողբերգությունը գրելիս։

Օպերայի առաջնախաղը կայացել է 1830 թ. մարտի 11-ին Վենետիկի «Լա Ֆենիչե» թատրոնում՝ ունենալով մեծ հաջողություն։

«Կապուլետներ և Մոնտեկիներ» օպերան համարվում է Բելլինիի առավել հաջողված գործերից մեկը և ներկայումս էլ մերթ ընդ մերթ բեմադրվում է։ Օպերայի գլխավոր դերերգերը տարբեր ժամանակներում կատարել են Ռենատա Սկոտտոն, Լուչիանո Պավարոտին, Վեսելինա Կացարովան և այլոք։