Սովորաբար բնակվում են միայնակ, բայց ցուրտ եղանակներին կարող են հավաքվել ոչ մեծ խմբերով։ Ժամանակի մեծ մասն անցկացնում են հողի վրա, բաց տարածության մեջ, խոտերի մեջ։ Ապրում են երամներով։ Բույնը կառուցում են ծառերի փչակներում[2]։
Ոչ մեծ թռչուն, որի մարմնի երկարությունը 21-24 սմ է[2]։ Գլխի, պարանոցի, կրծքի վերին հատվածների փետուրները բաց մարմնագույն ունեն։ Կրծքի ներքևի մասերը վարդագույն-մոխրագույն է։ Մեջքը մուգ մոխրագույն է, երբեմն թույլ մետաղական փայլով։ Թևերի երկարությունը 112-122 սմ է[2], կլորավուն։ Առաջնային փետուրները մուգ գորշագույն են՝ ծայրերում մարմնագույն։ Երկրորդային փետուրները խամրած շագանակագույն են, ավելի բաց գունավորում ունեն, քան առաջնայինները։ Գլխի փետուրները երկար են։ Աչքի ծիածանաթաղանթը շագանակագույն է։ Կտուցը գրեթե այնքան երկար է, որքան գլուխը։ Կտուցի վերջնահատվածը նարնջադեղնավուն է։ Ոտքերը նույնպես նարնջագույն երանգ ունեն։ Արուներն ու էգերը միմյանցից չեն տարբերվում։ Երիտասարդների գլուխն ու մեջքը դարչնագույն են։
