Կամարաշար

Վիքիպեդիայից՝ ազատ հանրագիտարանից

Կամարաշար, սյուներին կամ մույթերին հանգող, ձևով և չափով միատեսակ կամարների ներդաշնակ համադրվածք։ Հիմնականում կիրառվում է բաց սյունասրահներում, լոջիաներում և այլն։ Կամարաշար որպես կոմպոզիցիոն արտահայտչամիջոց լայնորեն կիրառել է Վերածննդի, մուսուլմանական, մավրիտանական և այլն ճարտարապետությունը։ Հայկական ճարտարապետության մեջ կամարաշարով են լուծված Երերույքի (IV—V դդ.), Օձունի (VI դ.) և այլ կառույցների արտաքին սյունասրահները։ Կամարաշար կամ որմնասյունակամարաշար, «խորանազարդ» են անվանում կամարների որմնաշարը, որը մեծ մասամբ դեկորատիվ (ոչ կառուցվածքային) բնույթի է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png