Ծովոսպ

Վիքիպեդիայից՝ ազատ հանրագիտարանից
Salvinia molesta.jpg

Ծովոսպ (salvinia), ծովոսպազգիների ընտանիքի ջրային պտեր, միամյա խոտաբույսեր։ Հայտնի է մոտ 13, ՀՀ` 1 տեսակ` ծովոսպ լողացող։ Հանդիպում է Լոռու և Տավուշի մարզերի լեռնային լճերում ու լճակներում (պարզ, ժանգոտ տզրուկի) և այլն։ Երրորդային դարաշրջանի մնացորդային (ռելիկտ) է։ Գրանցված է ՀՀ Կարմիր գրքում։ Բույսը կոչվում է«Սալվինիա»` ի պատիվ իտալացի բուսաբան Սալվինիի։

Ցողունը թելանման է, երկար 10սմ։ Ծովոսպիի մարմինը ջրի մակերեսի նկատմամբ. դիրք ունեցող ընձյուղ է, որի վրա կան երեք շարք տերևներ։ Երկու շարքերը լողում են ջրի մակերեսին, ունեն ձվաձև թիթեղիկի տեսք, որոնց վերին մակերևույթին կան հերձանցքներ նման փոքրիկ պտկիկներ, իսկ ներքևինի վրա` գորշ մազիկներ։

Ջրասույզ տերևները (երրորդ շարքը) գորշ են` կտրտված 8-12 թելանման մասերի որոնք միաժամանակ և` արմատների, և հավասարակշռության կամ խարիսխի դեր են կատարում։ Դրանց հիմքում խմբով գտնվում են գնդանման սպորոկարպիումներ (իրենց նշանակությամբ նույնական են սորուսներին), որոնց մի մասը խոշոր սպորանգիումներ։

Ծովոսպը նպաստում է ջրավազանի հատակում տիղմի գոյացմանը, կենսբանական ռեժիմի պահպանմանը, կեր է ձկների, ջրաբնակ միջատների, կենդանիների և թռչունների համար։ Ծովոսպով պատված լճակներում մոծակներ չեն զարգանում։[1]

Աղբյուրներ[խմբագրել]

  1. Հայաստանի բնաշխարհ, ՀՀՀ, Երևան, 2006, էջ 264