Ծովը ներսում

Վիքիպեդիայից՝ ազատ հանրագիտարանից
Ծովը ներսում
Mar adentro
Ֆիլմի պոստերը
Ժանր դրամա, կենսագրական
Երկիր {{{2}}} Իսպանիա
{{{2}}} Ֆրանսիա
{{{2}}} Իտալիա
Թվական 2004
Լեզու իսպաներեն
Ռեժիսոր Ալեխանդրո Ամենաբար
Պրոդյուսեր Ալեխանդրո Ամենաբար
Ֆերնանդո Բովայրա
Սցենարիստ(ներ) Ալեխանդրո Ամենաբար
Մատեո Հիլ
Դերակատարներ Խավիեր Բարդեմ
Բելեն Ռուեդա
Լոլա Դուենյաս
Մաբել Ռիվերա
Օպերատոր Խավիեր Ագիրրեսարոբե
Երաժշտություն Ալեխանդրո Ամենաբար
Կառլոս Նունյես
Ընկերություն Sogecine / Himenóptero / UGC Images / Eyescreen
Տևողություն 121 րոպե
Բյուջե 10 միլիոն եվրո
Շահույթ 38 միլիոն դոլլար
IMDb ID 0369702
description

«Ծովը ներսում» (իսպ.՝ Mar adentro), 2004 թվականին ռեժիսոր Ալեխանդրո Ամենաբարի նկարահանած ֆիլմ։ Հիմնվելով իրական դեպքերի վրա, այն պատմում է իսպանացի նախին ծովային Ռամոն Սամպեդրոյի կյանքի վերջին երկու տարիների մասին, ով մոտ 30 տարի պայքարել է էվթանազիայի իրավունքի համար։

Գլխավոր հերոսին վարպետորեն մարմնավորում է մեր օրերի իսպանացի տաղանդավոր դերասան Խավիեր Բարդեմը։

Ֆիլմը ստացել է մոտ 60 տարբեր կինոմրցանակ ամբողջ աշխարհում, ներկայացված է եղել ևս 30-ի։

Սյուժեն[խմբագրել]

Իսպանացի կաթվածահար Ռամոն Սամպեդրոյի կյանքի պատմությունը։ Ռամոնը, ում հոգնեցրել էր իր գրեթե անգործունակ կյանքը՝ անընդհատ մահճակալի վրա պառկած, պայքարում էր էվթանազիայի իրավունքի համար։ Դրա համար նրան փորձում է օգնել նրա ընկերուհի լրագրող և փաստաբան Խուլիան, ով նույնպես հիվանդ էր և հերթական ինֆարկտից հետո կորցնում է ինքնուրույն շարժվելու ընդունակությունը։ Իսկ Ռամոնի մյուս ընկերուհին՝ երկու երեխաների մայր Ռոզան՝ ում լքել էր ամուսինը, փորձում է համոզել նրան, որ կյանքը լավ բան է, և արժե դրա համար ապրել։ Նա նույնիսկ մեկ անգամ ելույթ է ունենում հեռուստատեսությամբ, պատմելով իր մասին և իր կյանքին վերջ դնելու մասին կայացրած որոշման համար։ Սակայն մերժում է ստանում դատարանի կողմից։ Նրա հետ խոսում է մեկ այլ կաթվածահար մարդ՝ հոգևորական Ֆրանսիսկոն և փորձում է համոզել հետ կանգնել այդ քայլից, սակայն ապարդյուն։ Ռամոնը բոլորին բերում է իր տանջալի կյանքին վերջ դնելու տարբեր փաստարկներ։ Ռամոնը չնայած իր այդ որոշմանը, իր ընտանիքի անդամներին ու ընկերներին քաջալերում է և օգնում հասկանալ կյանքի լավ կողմերը։ Ընտանիքի անդամները ամեն մեկը յուրովի է մոտենում Ռամոնի կայացրած այդ որոշմանը։

Նրա զբաղմունքը հատուկ հարմարանքով գրելն էր։ Նա անընդհատ հիշում է իր կյանքի լավագույն պահերը մինչև իր կաթվածահար լինելը, և հաճախ է մտքում տեսնում այն պահը (փորձելով ցատկել ծով, նա ուշադիր չի լինում ծովին՝ նայելով անծանոթ աղջկա կողմը, և ցատկում է ջրի մեջ ծովի տեղատվության ժամանակ և գլխով հարվածելով ծովի հատակին կոտրում է պարանոցը), երբ նա դարձավ կաթվածահար։ Ֆիլմում յուրատեսակ ձևով են ներկայացված Ռամոնի զգացմունքները և հիշողությունները, փոխհարաբերությունները մարդկանց հետ, նրա աշխարհահայացքը, վերաբերմունքը շրջապատող աշխարհին։

Ռամոնը սիրահարվում է Խուլիային, ով պատասխանում է նրա զգացմունքներին։ Նրանք որոշում են, որ Խուլիան պետք է օգնի իրեն ինքնասպան լինել (առանց դատարանի համապատասխան որոշման), երբ հրատարակվի Ռամոնի առաջին գիրքը, սակայն վերջին պահին Խուլիան չի համարձակվում գնալ այդ քայլին։

Ռամոնին օգնում է Ռոզան ...

Դերերում[խմբագրել]

Մրցանակներ[խմբագրել]

Ֆիլմը ստացել է մոտ 60 տարբեր կինոմրցանակ ամբողջ աշխարհում, ներկայացված է եղել ևս 30-ի, որոնց թվում՝

Արտաքին հղումներ[խմբագրել]