Խուտոր

Վիքիպեդիայից՝ ազատ հանրագիտարանից

Խուտոր (ռուս.՝ хутор, ուկրաիներեն՝ хутiр, բելառուսերեն՝ хутар), մեկ կամ մի քանի ագարակներից բաղկացած բնակավայր Արևելյան Եվրոպայում, մասնավորապես Դոնի կոզակների բնակավայրեր Ռուսաստանում, Ուկրաինայում։ Խորհրդային շրջանում խուտորների մեծ մասը վերածվել են կոլխոզների և սովխոզների։

Սկզբում եղել է միաբակ (յուրահատուկ է հողագործ ժողովուրդներին՝ նոր հողեր յուրացնելիս), հետագայում՝ բազմաբակ։ Գյուղատնտեսության մեջ կապիտալիստական տարրերի զարգացման հետ սկսեցին խուտոր անվանել անհատական օգտագործման հողակտորի վրա առանձնացված տնտեսությունը։ 1905—1907 թթ.-ի հեղափոխությունից հետո Ռուսաստանում խուտորերի քանակը խիստ աճեց։ Նախկին ՍՍՀՄ-ում, գյուղատնտեսության կոլեկտիվացումից հետո, ստեղծվեցին Խուտորները խոշոր կոլտնտեսային գյուղերում համախմբելու պայմաններ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png