Խուլիո Իգլեսիաս Կրտսեր

Խուլիո Իգլեսիաս Կրտսեր
Բնօրինակ անուն	իսպ.՝ Julio Iglesias Jr.
Ի ծնե անուն	իսպ.՝ Julio José Iglesias Preysler
Ծնվել է	փետրվարի 25, 1973 (51 տարեկան); Մադրիդ, Իսպանիա
Երկիր	Իսպանիա և ԱՄՆ
Ժանրեր	փոփ և լատինական փոփ
Մասնագիտություն	երգիչ, մոդել, դերասան, ֆոտոմոդել, դաշնակահար և կիթառահար
Գործիքներ	կիթառ, վոկալ և դաշնամուր
Լեյբլ	EMI
Կրթություն	Մադրիդի Կոմպլուտենսե համալսարան
Կայք	julioiglesiasjr.ru
	Julio Iglesias, Jr. Վիքիպահեստում

Խուլիո Իգլեսիաս Կրտսեր (փետրվարի 25, 1973(1973-02-25), Մադրիդ, Իսպանիա), իսպանացի երգիչ, աշխարհահռչակ երգիչ Խուլիո Իգլեսիասի և ֆիլիպինուհի Իզաբել Պրեյսլերի ավագ որդին և Էնրիկե Իգլեսիասի ավագ եղբայրը։ Նրա ծնողները բաժանվել են 1979 թվականին, որից հետո հոր հետ մեկնել է Մայամի։

Կարիերա[խմբագրել | խմբագրել կոդը]

Խուլիո Իգլեսիաս Կրտսերը շոու բիզնես մուտք է գործել որպես մոդել։ Որպես երգիչ Խուլիո Իգլեսիաս կրտսերը աշխատանքն սկսել է Էպիք Ռեքորդսի հետ պայմանագրով։ Նա մեկնեց Մայամի և սկսեց երգեր ձայնագրել իր առաջին ալբոմի՝ "Under My Eyes"-ի համար։ Ալբոմը թողարկվել է 1999 թվականին։ Ալբոմի երկու երգեր՝ "One More Chance"-ը և "Under My Eyes"-ը ձայնագրված էին անգլերեն լեզվով և ճանաչում են գտնում Լոս Անջելեսում և Նյու Յորքում։ "One More Chance"-ը նա 1999 կատարում է Միս Տիեզերք մրցույթի բացման արարողության ժամանակ, ինչպես նաև այդ երգով բացում է Շերի Հարավային Ամերիկայի շրջագայությունը։ Ալբոմը մեծ ճանաչում չի գտնում ԱՄՆ-ում և երգիչը շուտով խզում է պայմանագիրը Էպիկ Ռեքորդսի հետ։

Խուլիո Իգլեսիաս Կրտսերի երկրորդ ալբոմը թողարկվում է 2003 թվականին Warner Music Group-ում։

2014-ին նա միանում է Latin Lovers խմբին։

Անձնական կյանք[խմբագրել | խմբագրել կոդը]

1999 թվականի հոկտեմբերին նա իր անունը փոխում է՝ Խուլիո Խոսե Իգլեսիասը դարձնելով Խուլիո Իգլեսիաս։ 2011 թվականի մայիսին երգիչն ամուսնացել է բելգիացի մոդել Շերիզ Վերհարթի հետ։

Վիքիպահեստն ունի նյութեր, որոնք վերաբերում են «Խուլիո Իգլեսիաս Կրտսեր» հոդվածին։