Խուան Մարսե

Վիքիպեդիայից՝ ազատ հանրագիտարանից

Խուան Մարսե (իսպաներեն` Juan Marsé, 1933, հունվարի 8, Բարսելոնա), իսպանացի արձակագիր։ Բարսելոնյան դպրոց կոչվող գրական խմբակի գրողներից է։

Ծննդյան պահից կորցնելով մորը` որդեգրվել է այլ ընտանիքի կողմից և ստացել նոր ազգանուն։ Զբաղվել է ոսկերչությամբ, աշխատել ամսագրի խմբագրությունում։ Առաջին ստեղծագործությունները 1958-ին մամուլում տպագրված նովելներն են եղել, իսկ հաջորդ տարի արդեն արժանացել է Սեզամ մրցանակին։ Արձակից բացի, զբաղվել է նաև լրագրությամբ, գրում է սցենարներ։ Ստեղծագործությունների մեծ մասը վերաբերում են ետֆրանկիստական Բարսելոնին, որտեղ նա անդրադառնում է բարոյական ու սոցիալական անկմանը, դասային անհավասարությանը, աշխատավորների և համալսարանական բուրժուազիայի բախմանը, ինչպես նաև կորած մանկությանը։ Նրա ոճն աչքի է ընկնում հեգնանքով, հաճախ՝ սարկազմով, երբեմն նաև ծաղրանքի հասնող դաժան սատիրայով։ 2008-ին արժանացել է Սերվանտեսի մրցանակի, ինչը շատերը համարում են գրողների այդ հրաշալի սերնդի համընդհանուր գնահատական։

Աղբյուրներ[խմբագրել]

  • Արդի իսպանալեզու պատմվածք, հատոր 1, Երևան, «Գրական էտալոն», 2011, էջ 282։