Խնձորով կարկանդակ

Վիքիպեդիայից՝ ազատ հանրագիտարանից
Խնձորով կարկանդակ

Խնձորով կարկանդակ, կարկանդակի ամենատարածված տարատեսակներից մեկը, որի միջուկի պատրաստման համար խնձոր է անհրաժեշտ։

Պատմություն[խմբագրել]

Քանի որ խնձորը ամենահասանելի միրգն է համարվում, խնձորով կարկանդակը եվրոպական ժողովուրդների խոհանոցի հիմնական աղանդերն է հանդիսանում։ Միջին դարերում խնձորով կարկանդակ սովորաբար սկսում էին պատրաստել խնձորի հասնելուց հետո, այսինքն՝ աշնանը մոտ․ այն ասոցացվում էր բերքի տոնի և աշնան գալու հետ։ Այժմ խնձորի լայն տարածման և պահպանման տարբեր եղանակների շնորհիվ խնձորով կարկանդակ կարելի է պատրաստել ողջ տարին, այդ թվում նաև այն տարածաշրջաններում, որտեղ խնձոր երբեք չի եղել, սակայն որտեղ խնձորենիներ են տարվել նոր ժամանակաշրջանում, օրինակ՝ Հյուսիսային և Հարավային Ամերիկաներում։ Գոյություն ունեն խնձորի կարկանդակի տարբեր տեսակներ։ Նրա պատրաստման համար կարելի է օգտագործել տարբեր տեսակի խմորներ՝ խմորիչով, շերտավոր, փխրուն և այլն։ Ամենանուրբ և շքեղ խնձորով կարկանդակներն ստացվում են խմորիչով խմորից։ Ընդ որում խնձորով կարկանդակը կարող է լինել բաց, կիսաբաց և փակ։ Խնձորով կարկանդակի պարզ բաղադրատոմսերից մեկը, որը տարածում է գտել Ռուսաստանում և ԱՊՀ երկրներում, խնձորով շառլոտկան է։ ԱՄՆ-ում խնձորով կարկանդակը համարվում է ազգային խորհրդանիշերից մեկը, հատկապես Վիրջինիա նահանգում, թեև այժմ պատրաստվում է կիսաֆաբրիկատ շերտի հիման վրա։