Խերարդո Մարտինո

Խերարդո Մարտինո; իսպ.՝ Gerardo Martino
Անձնական տվյալներ
Ամբողջական անուն	Խերարդո Դանիել Մարտինո
Քաղաքացիությունը	Արգենտինա
Ծննդյան ամսաթիվ	նոյեմբերի 20, 1962 (61 տարեկան)
Ծննդավայր	Ռոսարիո, Արգենտինա
Հասակ	175 սանտիմետր
Դիրք	Հարձակվող Կիսապաշտպան
Ակումբային տեղեկություններ
Ներկա ակումբ	Բարսելոնա
Պատանեկան կարիերա
	Նյուելս Օլդ Բոյս
Մասնագիտական կարիերա*
Ազգային հավաքական
Մարզչական կարիերա
1998; 1999; 2000; 2002-2003; 2003-2004; 2005; 2005-2006; 2007-2011; 2012-2013; 2013-2014	Ալմիրանտե Բրաուն; Պլատենսե; Ինստիտուտո; Լիբերտադ; Սեռռո Պորտենյո; Կոլոն; Լիբերտադ; Պարագվայ; Նյուելս Օլդ Բոյս; Բարսելոնա
	* Մասնագիտական կարիերայում ընդգրկված են միայն առաջնության խաղերը և գոլերը:;

Խերարդո Դանիել Մարտինո (իսպ․՝ Gerardo Daniel Martino 1962 թ., նոյեմբերի 20, Ռոսարիո, Արգենտինա), նախկին արգենտինացի ֆուտբոլիստ, Արգենտինայի հավաքականի գլխավոր մարզիչ։

Կարիերա[խմբագրել | խմբագրել կոդը]

Իր Կարիերայի մեծ մասն Խերարդոն անցկացրել է իր հարազատ քաղաքը՝ Ռոսարիոն ներկայացնող «Նյուելս Օլդ Բոյս» ակումբում։ Այս ակումբի պատմության մեջ նա ռեկորդակիր է անցկացրած խաղերի թվով (505 խաղ)^[1]։ Նաև 2003 թվականին անցկացրած հարցման արդյունքներով նա ճանաչվել է «Նյուելս Օլդ Բոյսի» ակումբի պատմության լավագույն ֆուտբոլիստ։

2007 թվականի փետրվարին Մարտինոն ստանձնեց Պարագվայի ազգային հավաքականի գլխավոր մարզչի դերը։ Կոպա Ամերիկայի խմբային փուլում Պարագվայի հավաքականը վատ տպավորություն չէր թողնում, խմբում զբաղեցնելով 2-րդ տեղը զիջելով միայն Արգենտինայի ազգային հավաքականին։ Բայց արդեն Փլեյ-Օֆֆ-ում Պարագվայը 6։0 հաշվով պարտվեց Մեքսիկայի ազգային հավաքականին։ Աշխարհի առաջնության ընտրական փուլում Պարագվայը զբաղեցրեց 3-րդ տեղը զիջելով միայն Բրազիլիային և Չիլիին։ Ինչպես նաև Մարտինոն հավաքական հրավիրեց մի քանի իր հայրենակիցներին, որոնց թվում էին նաև Նեստոր Էրտիգոսան և Լուկաս Բարիոսը։ Աշխարհի Առաջնության Ֆ խմբում Պարագվայը զբաղեցրեց 1-ին տեղը և դուրս եկավ 1/8-րդ եզրափակիչ, որտեղ 11 մետրանոցներով (5։3) հաղթելով Ճապոնիաին կարողացավ պատմության մեջ առաջին անգամ դուրս գալ քառորդ եզրափակիչ, որտեղ Մարտինոյի սաներին բաժին հասավ մրցաշարի գլխավոր ֆավորիտը՝ Իսպանիայի ազգային հավաքականը, այստեղ Պարագվայը պարտվեց 1։0 հաշվով և դուրս մնաց մրցաշարից։ Այդ խաղից անմիջապես հետո Մարտինոն ասաց՝ «Մենք ունեցանք շանսեր, սակայն չկարողացանք օգտվել դրանցից»։ Մունդիալ 2010 թ.-ից հետո Խերարդոն երկարաձգեց իր պայմանագիրը հավաքականի հետ 4 տարով։ 2011 թ. Կոպա Ամերիկայի ավարտից հետո, որտեղ Պարագվայը զբաղեցրեց 2-րդ տեղը բայց չհաղթեց և ոչ մի խաղում, Մարտինոն հրաժարական տվեց։

2013 թ. Հուլիսի 22-ին «Տատա»-ն եռամյա պայմանագիր կնքեց Կատալոնական Բարսելոնայի հետ։

Մարզչական վիճակագրություն[խմբագրել | խմբագրել կոդը]

Թիմ	Երկիր	Աշխատանքի սկիզբ	Աշխատանքի ավարտ	Արդյունք
Թիմ	Երկիր	Աշխատանքի սկիզբ	Աշխատանքի ավարտ	Խ	Հ	Ո	Պ	Տ %
Կոլոն		1 հուլիսի 2004	30 հունիսի 2005	38	13	14	11	34.21
Սեռո Պարտենիո		2004	2005	68	39	15	14	57.35
Լիբերտադ		2005	2006	76	38	20	18	50.00
Պարագվայ		1 փետրվարի2007	25 հուլիսի 2011	55	24	15	16	43.63
Նյուելս Օլդ Բոյզ		1 փետրվարի 2012	21 հուլիսի 2013	50	27	12	11	54.00
Բարսելոնա		22 հուլիսի2013	17 մայիսի 2014	53	38	8	7	71.69
Արգենտինա		13 օգոստոսի 2014	մ․հ․	1	1	0	0	100.00
Ընդամենը				341	180	84	77	52,78

Թարմացումը 2014 թվականի սեպտեմբերի 3-ի

Ծանոթագրություններ[խմբագրել | խմբագրել կոդը]

↑ Gerardo Martino, el más paraguayo de los argentinos comandará al equipo 'guaraní' (իսպ.)

Վիքիպահեստն ունի նյութեր, որոնք վերաբերում են «Խերարդո Մարտինո» հոդվածին։

[Martino-1] Gerardo Martino, el más paraguayo de los argentinos comandará al equipo 'guaraní' (իսպ.)

[1]