Խարտոց

Վիքիպեդիայից՝ ազատ հանրագիտարանից
Կրկնակի եզրերով խարտոց
Նադֆիլներ (մանրախարտոց)
Տարբեր չափի քերթերով խարտոցներ

Խարտոց, մշակվող նյութի փոքր շերտեր հեռացնող բազմասայր կտրող գործիք։ Սրոցի ձև ունեցող աշխատանքային մասի վրա քերթեր են անում, որոնք էլ առաջացնում են կտրող եզրեր։ Քերթերի ձևն ու խտությունը ընտրում են ըստ մշակվող նյութի կարծրության և մակերևույթի անհրաժեշտ մաքրության։

Ըստ 1 սմ երկարության վրա ստացված քերթերի քանակի խարտոցները լինում են՝

  • քերթող (4, 5 - 12),
  • երեսահան (13 - 26),
  • թավշանման (42 - 80)։

Խոշոր քերթեր ունեցող խարտոցներն անվանում են ռաշպիլ։ Խարտոցները պատրաստում են բարձրածխածնային գործիքային պողպատից և ենթարկում մակերևութային մխման։ Օգտագործվում են փականագործական աշխատանքներում, սղոցների սրման ժամանակ, ինչպես նաև ոչ մետաղական նյութեր մշակելու համար։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png