Լևոն Մարտիրոսյան
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
Լևոն Մարտիրոսյան | |
---|---|
Ծնվել է | փետրվարի 19, 1976[1] (48 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | ԵՊՀ իրավաբանական ֆակուլտետ |
Մասնագիտություն | քաղաքական գործիչ |
Զբաղեցրած պաշտոններ | Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
Levon Martirosyan Վիքիպահեստում |
Լևոն Յուրիկի Մարտիրոսյան (փետրվարի 19, 1976[1], Երևան, Հայկական ԽՍՀ, ԽՍՀՄ), հայ քաղաքական գործիչ, Կանադայում Հայաստանի Հանրապետության արտակարգ և լիազոր նախկին դեսպան[2]։ «Լուսավոր Հայաստան» կուսակցության պատգամավորի թեկնածու։
Հումորիստ Գարիկ Մարտիրոսյանի եղբայրն է։
Կրթություն[խմբագրել | խմբագրել կոդը]
- 1997 թվականին ավարտել է Երևանի պետական համալսարանի իրավաբանական ֆակուլտետը` իրավագետի որակավորմամբ։
- 2002 թվականին ավարտել է Մեծ Բրիտանիայի Էսեքսի համալսարանի իրավաբանական ֆակուլտետը՝ միջազգային իրավունքի մագիստրոսի որակավորմամբ։
- Դասընթացներ` Ջոն Սմիթի անվան կրթական ծրագիր երիտասարդ հասարակական-քաղաքական գործիչների համար (2000 թ., Մեծ Բրիտանիա), «21-րդ դարի առաջնորդներ» բարձրագույն գործադիր դասընթաց (2003 թ., Հարվարդի համալսարանի Ջոն Քենեդու անվան կառավարման դպրոց, ԱՄՆ), Ֆրանսիայի արտաքին գործերի նախարարության «Ապագայի անհատականություն» քաղաքական ծրագիր (2008 թ., Ֆրանսիա)։
Աշխատանքային գործունեություն[խմբագրել | խմբագրել կոդը]
- 1997-1999 թթ. - ծառայել է ՀՀ զինված ուժերում։
- 2003-2007 թթ. զբաղվել է իրավաբանական մասնավոր գործունեությամբ։
- 2007 թ. հուլիսից 2008 թ. ապրիլ - ՀՀ վարչապետի օգնական։
- 2008 թ. ապրիլին նշանակվել է ՀՀ Նախագահի օգնական։
- 2012 թ. մայիսի 31-ին ՀՀ Նախագահի կարգադրությամբ ազատվել է ՀՀ Նախագահի oգնականի պաշտոնից[3]։
- 2017 թվականին ՀՀ նախագահի հրամանագրով նշանակվել է Կանադայում Հայաստանի Հանրապետության արտակարգ և լիազոր դեսպան (նստավայրը` Օտտավա)[4]։
Հասարակական գործունեություն[խմբագրել | խմբագրել կոդը]
- 2001 թ. հիմնադրել է «Երիտասարդ Դեմոկրատների Միություն» հասարակական կազմակերպությունը։
- 2003 թ. հիմնադրել է «Բրիտանական Շրջանավարտների Ասոցիացիա» հասարակական կազմակերպությունը։
- 2008 թ. ԱՄՆ պետական դեպարտամենտի հրավերով մասնակցել է ԱՄՆ նախագահի ընտրություններին որպես միջազգային դիտորդ։
Քաղաքական գործունեություն[խմբագրել | խմբագրել կոդը]
- 2007 թ. համահիմնադրել է Միացյալ ազատական ազգային կուսակցությունը (ՄԻԱԿ) և ընտրվել ՄԻԱԿ-ի գլխավոր քարտուղար։
- 2007 թ. մայիսի 12-ի ՀՀ Ազգային ժողովի ընտրություններին գլխավորել է ՄԻԱԿ համամասնական ընտրացուցակը։
- 2007 թ. դեկտեմբերին ազատվել է ՄԻԱԿ-ի գլխավոր քարտուղարի պաշտոնից՝ իր դիմումի համաձայն, մնալով ՄԻԱԿ խորհրդի և քարտուղարության անդամ է։
- 2012 թ. մայիսի 6-ին ընտրվել է ՀՀ Ազգային ժողովի 5-րդ գումարման պատգամավոր ՀՀԿ համամասնական ընտրացուցակով։ ՀՀ ԱԺ Պետական-իրավական հարցերի մշտական հանձնաժողովի անդամ։
- 2017 թ․-ից այլևս պատգամավոր չէ, հեռացել է քաղաքականությունից։
Ամուսնացած է, ունի երկու զավակ։
Լևոն Մարտիրոսյանն արցախյան հիմնախնդրում[խմբագրել | խմբագրել կոդը]
Լևոն Մարտիրոսյանը 2015 թվականի նոյեմբերի 12-ին իր ելույթով կասկածի տակ է դրել Արցախի տարածքային ամբողջականությունը[5][6]՝ խոսելով ԼՂՀ զինված ուժերի վերահսկողության տակ գտնվող որոշ տարածքներ Ադրբեջանին հանձնելու մասին։ Նա մասնավորապես ասել է, «Չեմ ժխտում, որ ԼՂՀ ազատագրված որոշ տարածքներ կհանձնվեն Ադրբեջանին»[7][8]։
Նախորդող պաշտոնը հիմնադրվել է |
Միացյալ ազատական ազգային կուսակցության գլխավոր քարտուղար Լևոն Մարտիրոսյան հունվար - դեկտեմբեր 2007 թ. |
Հաջորդող Սամվել Ֆարմանյան |
Նախորդող Արմեն Եգանյան |
Կանադայում Հայաստանի Հանրապետության արտակարգ և լիազոր դեսպան Լևոն Մարտիրոսյան 2017 - |
Հաջորդող պաշտոնավարում է |
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.parliament.am/deputies.php?sel=details&ID=1068&lang=eng
- ↑ «ՀՀ Նախագահը դեսպաններ է նշանակել». Արխիվացված է օրիգինալից 2018 թ․ հուլիսի 15-ին. Վերցված է 2017 թ․ հուլիսի 12-ին.
- ↑ Լ. Մարտիրոսյանին Հայաստանի Հանրապետության նախագահի օգնականի պաշտոնից ազատելու մասին
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ դեկտեմբերի 14-ին.
- ↑ «ԼՂՀ Սահմանադրություն, Գլուխ 12, Հոդված 142». Արխիվացված է օրիգինալից 2011 թ․ մայիսի 26-ին. Վերցված է 2016 թ․ դեկտեմբերի 5-ին.
- ↑ Մինչև Լեռնային Ղարաբաղի Հանրապետության պետական տարածքի ամբողջականության վերականգնումը և սահմանների ճշգրտումը հանրային իշխանությունն իրականացվում է այն տարածքում, որը փաստացի գտնվում է Լեռնային Ղարաբաղի Հանրապետության իրավազորության ներքո։
- ↑ ԼՂՀ ազատագրված որոշ տարածքներ կհանձնվեն Ադրբեջանին. Լևոն Մարտիրոսյան
- ↑ «ԼՂՀ-ն Լևոն Մարտիրոսյանին պետք է ճանաչի անցանկալի անձ»